„Hver króna sem við setjum í þessi mál, hún mun skila sér margfalt til baka. Ég held að það sé alveg samstaða um það í ríkisstjórninni.“ Þetta sagði Katrín Jakobsdóttir forsætisráðherra um skattaeftirlit í viðtali við Þórð Snæ Júlíusson í síðasta þætti Kjarnans á Hringbraut. Þáttinn er hægt að sjá í heild sinni í spilaranum hér að ofan.
[links]Katrín sagði að það sé átaksþörf í skattaeftirliti þótt að margt hafi verið gert á undanförnum árum til að efla það. Því til stuðnings nefndi hún að embætti ríkisskattstjóra væri sjálfbært. Þ.e. peningar sem það sækir frá þeim sem svíkja undan skatti dugi til að reka embættið.
Forsætisráðherra sagði skattaundanskotin væru tvíþætt. Annars vegar séu hin alþjóðlegu skattsvik, þar sem fjármuni séu til að mynda faldir í aflandsfélögum, og hins vegar sú svarta atvinnustarfsemi sem þrífist hér á Íslandi.
[adspot]Á báðu þyrfti að taka og það þýddi að fjárframlög til þeirra embætta sem fara með eftirlit og rannsóknir á skattaundanskotum, sem eru ríkisskattstjóri og skattrannsóknarstjóri, myndu verða aukin.
Sú aukning myndi þó ekki koma fram í fjárlögum næsta árs heldur á fjármálaáætlun ríkisstjórnarinnar sem lögð verður fram í vor.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir