Nokkrar geggjaðar myndir teiknaðar í Microsoft Paint

„Nei, nei, neeeeeiiii!“ voru fyrstu staf­rænu við­brögð banda­ríska teikn­ar­ans Patrick Hines eftir að hafa lesið um að dagar teikni­for­rits­ins Microsoft Paint væru taldir.

Nýjasta upp­færsla Microsoft Windows-stýri­kerf­is­ins átti upp­haf­lega ekki vera búin klass­íska teikni­for­rit­inu Paint sem litað hefur barn­æsku margra. Upp­færslan kemur í haust og var til­kynnt um hvað fælist í henni á dög­unum. Eftir mikil mót­mæli frá almenn­ingi hefur Microsoft útskýrt að þó Paint verði ekki lengur hluti af stað­al­bún­aði stýri­kerf­is­ins verði enn hægt að sækja for­ritið í gegnum vef­verslun fyr­ir­tæk­is­ins með for­rit, Windows Store.

Paint hefur fylgt öllum Windows-stýri­kerfum í 32 ár og fengið upp­færslur allan þann tíma. Paint hefur orðið að aðal­tóli þeirra sem teikna illa gerðar inter­net-grín­myndir, sem hafa sett svip sinn á ver­ald­ar­vef­inn og orðið lista­mönnum inn­blástur.

En jafn­vel þó inter­net-grín­myndir geti verið bráð­fyndnar er ekki þar með sagt að Paint-afurðir geti ekki orðið aðeins vand­aðri.

Einn þeirra er Patrick Hines. Hann hefur sér­hæft sig í ítar­legum teikn­ingum í Paint. Hann seg­ist hafa byrjað þegar hann vann næt­ur­vaktir fyrir um 15 árum síðan. Á rólegum vöktum fór hann eitt­hvað að dunda sér í Paint.

Hér að neðan má sjá nokkrar af myndum Hines. Allt safn hans má sjá á Deviant Art-síð­unni Captain Redblood.

[adspot]

Hines hefur ekki síst gaman af því að teikna atriði úr kvik­myndum í Paint.

Hines er algjör Harry Potter-fan og hefur þess vegna teiknað nokkrar myndir eftir atriðum í bóknum um galdra­strák­inn.

Svo þessi hér að neðan reyndar ekki eftir Hines, en hún er eig­in­lega of flott til að hafa hana ekki með.