Ketill Sigurjónsson, lögfræðingur og MBA, sem starfar við ráðgjöf á sviði orkumála og hefur úti hinu ágæta orkubloggi, um ýmislegt sem tengist orkumálum Íslendinga, segir að honum hafi borist upplýsingar frá bankastjóra á Íslandi, um að Norðurál hafi ætlað sér að „eyðileggja“ hann.
Þetta kom fram í kveðjugrein á bloggi hans í gær, en Ketill hyggst alfarið snúa sér að alþjóðlegri ráðgjöf.
Í greininni kemur fram, að hann hafi verið varaður við því að Norðurál, sem Landsvirkjun er nú í samningaviðræðum við um endurnýjun orkusölusamnings, hafi ráðið almannatengla til þess að verkefnis, að tala gegn hans málflutningi, en á orkublogginu hafa birst margar metnaðarfullar umfjallanir um orkubúskap þjóðarinnar, ekki síst verð sem álfyrirtækin greiða til Landsvirkjunar fyrir raforkuna.
Það þarf ekki að hafa mörg um um þetta í sjálfu sér, því svona þöggunartilburðir erlendra stórfyrirtækja á Íslandi á aldrei að samþykkja. Það er afleitt, að almannatenglar á Íslandi láti plata sig út í hagsmunabaráttu erlendra stórfyrirtækja, með því að tala niður skoðanir fólks á hinum ýmsu atriðum sem snúa að íslenskum orkubúskap. Það er sjálfsagt mál og eðlilegt, að mörg sjónarmið séu uppi í þeim málum.
Vonandi mun Norðurál sjá að sér, og hætta þessum vondu starfsaðferðum hið snarasta, sem þarna er lýst.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir