Benda á hræsni hjá Dove

Snyrti­vöru­fyr­ir­tækið Dove á Íslandi hrinti í dag af stað her­ferð­inni #Sönn­Feg­urð en mark­mið hennar er að stuðla að bættri lík­ams­mynd stúlkna og kvenna á Íslandi. Myllu­merkið #Sönn­Feg­urð hefur farið á flug í kjöl­farið og gagn­rýna margir her­ferð­ina. Líkt og Stundin fjall­aði um fyrr í dag hafa her­ferðir Dove á heims­vísu löngum verið gagn­rýndar. Bent hefur verið á að fyrst og fremst séu þetta aug­lýs­inga­her­ferðir sem bein­ast einmitt að því að fá konur til þess að kaupa sér snyrti- og fegr­un­ar­vörur. Þannig segir Fanney Benja­míns: „Að versla við snyrti­vöru­fyr­ir­tæki í nafni lík­ams­virð­inar er eins og að versla við tóbaks­fram­leið­endur í nafni lýð­heilsu.“ 

Ekki eru allir á sama máli og segja mál­stað­inn góðan. Fjöl­miðla­konan Þóra Tóm­as­dóttir segir það til dæmis flotta nýbreytni að nota venju­lega lík­ama í aug­lýs­ingar og bendir á að það er eng­inn glæpur að selja snyrti­vörur. 

Þrjár verstu auglýsingar Axe

Þess má einnig geta að Unilever, móð­ur­fyr­ir­tæki Dove á heims­vísu, á fleiri snyrti­vöru­fyr­ir­tæki – þar á meðal Axe sem selur snyrti­vörur fyrir karla. Aug­lýs­ingar Axe hafa verið gagn­rýndar fyrir að ýta undir kynja­stað­al­myndir og við­halda þannig vanda­mál­inu sem Dove aug­lýs­ing­arnar eiga að vinna gegn. Stundin hefur fundið þrjár aug­lýs­ingar Axe sem falla að þessu. Þær má sjá hér fyrir neðan.