Þungunarrofsfrumvarp Svandísar Svavarsdóttur heilbrigðisráðherra var samþykkt með 40 atkvæðum gegn 18, en þrír sátu hjá, í atkvæðagreiðslunni. Tveir voru ekki viðstaddir, Þórdís Kolbrún Reykfjörð Gylfadóttir, ráðherra, en hún er á Grænlandi, og Vilhjálmur Árnason, þingmaður Sjálfstæðisflokksins.
Málið var umdeilt og klauf flokka. Þannig greiddi t.d. Bjarni Benediktsson, formaður Sjálfstæðisflokksins og fjármála- og efnahagsráðherra, atkvæði gegn frumvarpinu, einn ráðherra í ríkisstjórn. „Kvennfrelsi geti ekki trompað hvert einasta annað álitamál sem kemur upp í þessum efnum,“ sagði hann meðal annars, og vísaði til þess að málið væri margslungið og flókið.
Málið sem nú er orðið að lögum þýðir að þungunarrof er heimilt fram á 22. viku meðgöngu, óháð því hvaða ástæður liggja að baki.
Samkvæmt gömlu lögunum var það heimilt til loka 16. viku og heimild var til þess eftir 16 vikur við vissar aðstæður.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir