Lög­reglu­stjór­inn á Norð­ur­landi vestra hefur tekið ákvörðun um að færa umferð­ar­hraða niður í 35 kíló­metra á klukku­stund á flestum götum Blöndu­ós­bæjar. Bærinn vinnur nú að upp­setn­ingu nýrra umferð­ar­skilta þar sem það á við. Sá umferð­ar­hraði verður hins vegar óheim­ill um næstu ára­mót, þegar ný umferða­lög taka gildi.

Á vef Blöndu­ós­bæjar var í gær birt aug­lýs­ing um umferð innan Blöndu­ós­bæjar þar sem til­greint er að lög­reglu­stjóri hafi ákveðið, að til­lögu sveit­ar­stjórnar, að hámarks­hraði verði færður niður í 35 kíló­metra á klukku­stund á flest­öllum götum bæj­ar­ins. Er vísað til heim­ildar í 81. grein núgild­andi umferð­ar­laga og það til­greint að breyt­ing­arnar taki gildi strax við birt­ingu aug­lýs­ing­ar­innar. Þá er einnig greint frá því að Blöndu­ós­bær vinni að upp­setn­ingu nýrra skilta þar sem þess sé þörf.

Þau skilti munu hins vegar tæp­lega fá að standa lengi, eða öllu heldur ekki lengur heldur en til næstu ára­móta. Þá taka gildi ný umferð­ar­lög sem sam­þykkt voru á Alþingi síð­ast­liðið vor. Í grein 37 í þeim segir meðal ann­ars: „Hámarks­öku­hraði skal til­greindur í heilum tugum, að und­an­teknum hámarks­öku­hrað­anum 15 km á klst.“