Hjálma­skylda hjól­reiða­manna verður hækkuð úr 15 árum í 16 ár, sam­kvæmt breyt­inga­til­lögu umhverfis- og sam­göngu­nefndar Alþingis. Lands­sam­tök hjól­reiða­manna hafa mót­mælt fyrri til­lögu nefnd­ar­innar um að skylda til notk­unar reið­hjóla­hjálma nái til allra undir 18 ára aldri. Í frum­varpi ráð­herra til umferð­ar­laga var upp­haf­lega miðað við að hjálma­skyldan yrði áfram 15 ár.

„Talsverð umræða var um málið og nefnd­inni bár­ust athuga­semdir um að þessi breyt­ing­ar­til­laga gengi of langt og myndi m.a. hafa áhrif á mark­mið sveit­ar­fé­laga um breyttar ferða­venjur og mögu­lega á greiðslu trygg­inga­bóta,“ segir í nefnd­ar­á­lit­inu. „Bent var á að hjálma­skylda gæti haft nei­kvæð áhrif að því leyti að hún gæti dregið úr hjól­reiðum. “

Segir í álit­inu að brýnt sé að hafa öryggi í hávegum þegar komi að hjól­reiðum eins og öðrum sam­göngu­mátum. „Með hlið­sjón af fram komnum sjón­ar­miðum sem og þeim athuga­semdum sem nefnd­inni bár­ust leggur nefndin til að hjálma­skylda nái til barna undir 16 ára aldri en þar með verði tryggt að hjálma­skylda taki til allra barna á grunn­skóla­stigi.“