Aðstoðarmaður Pírata segir umræðuna um orkupakkann einkennast af „sömu taktík og nasistar notuðu við að útrýma gyðingum“

Eiríkur Rafn Rafnsson, aðstoð­ar­maður þing­flokks Pírata, segir umræð­una um þriðja orku­pakk­ann ein­kenn­ast af hræðslu­á­róðri og lygum. Hann setur málið í sam­hengi við áróð­urs­brögðin sem við­höfð voru í Þýska­landi á fjórða ára­tug síð­ustu aldar. 

„Að magna upp hræðsl­una við eitt­hvað óskil­greint, flókið og útlenskt er sama taktík og nas­istar not­uðu við að útrýma gyð­ingum, sós­í­alistum, hommum og fötl­uðum,“ skrifar Eiríkur á Pírata­spjall­inu, óform­legum umræðu­vett­vangi flokks­ins.

Þótt drjúgur þing­meiri­hluti virð­ist vera fyrir inn­leið­ingu þriðja orku­pakk­ans í íslenskan rétt er málið gríð­ar­lega umdeilt. Þannig hafa heitar umræður farið fram um þriðja orku­pakk­ann á sam­fé­lags­miðlum und­an­farnar vikur. Í dag barst and­stæð­ingum orku­pakk­ans öfl­ugur liðs­auki þegar ASÍ lagð­ist gegn inn­leið­ing­unni með afdrátt­ar­lausum hætti og sagði „feigð­ar­flan að stað­festa mark­aðsvæð­ing­una“ sem falist hefði í orku­laga­bálkum ESB.

Eiríkur kallar eftir því að „þjóð­ern­ispopúlista­hræðslu­á­róðri Mið­flokks­ins“ verði hafnað og rætt um orku­pakk­ann á grund­velli stað­reynda. „Hver sá sem segir þér að þriðji orku­pakk­inn snú­ist um valda­af­sal Íslands til Evrópu, nauð­ung­ar­sölu á Lands­virkjun, sjálf­krafa sam­þykki fyrir lagn­ingu sæstrengs eða að það þurfi að virkja hvern ein­asta bæj­ar­læk sam­skvæmt skip­unum frá ESB.... ER AÐ LJÚGA AÐ ÞÉR!“