Stundarskráin

Það er eitthvað bogið við Maríu, óséð verk og fjölskyldusirkús

Tón­leik­ar, sýn­ing­ar og við­burð­ir 23. apríl–9. maí.

Það er eitthvað bogið við Maríu, óséð verk og fjölskyldusirkús
Mynd: Ágúst Atlason
Birtist upphaflega í Stundinni fyrir 7 árum.

Þetta og svo ótal margt fleira er á döfinni næstu þrjár vikurnar.

ÍRiiS, IDK IDA, MSEA

Hvar? Gaukurinn
Hvenær? 24. apríl kl. 20.00
Aðgangseyrir: 1.000 kr.

Á þessum tilfinningaþrungna miðvikudegi flytja þrjár kynngimagnaðar raftónlistarkonur tóna sína. ÍriiS spilar taktfasta raftónlist sem er undir áhrifum darkwave-stefnunnar. IDK IDA er dönsk tónlistarkona sem hefur lengi verið virk í íslenskri jaðarsenu, en í flutningi hennar takast á hið vélræna og lífræna. MSEA er kanadískur listamaður sem hefur skapað flókinn hugarheim þar sem fegurð og óþægindi tengjast órjúfanlegum böndum.

Crescendo

Mynd: Owen Fiene

Hvar? Tjarnarbíó
Hvenær? 27. apríl kl. 20.30
Aðgangseyrir: 3.900 kr.

Í þessu nýja dansverki sækir danshöfundurinn Katrín Gunnarsdóttir í sögu líkamlegrar vinnu kvenna og sérstaklega til endurtekinna hreyfinga og söngva, með það að markmiði að skapa aðstæður fyrir nána kvenlæga samveru, samhug og samruna. Þrír líkamar flytja sólóverk í sameiningu, samofin í flæði síbreytilegra hreyfinga, söngva og hlustunar. Sýningin fékk sex tilnefningar til Grímuverðlaunanna 2018, meðal annars fyrir danshöfund og dansara ársins.

Allt fínt

Mynd: Vigfús Birgisson

Hvar? Nýlistasafnið
Hvenær? Til 28. apríl
Aðgangseyrir: Ókeypis!

Í málverkum Örnu Óttarsdóttur vekja mjúkir og mildir bleikir litir fram áþreifanleg hughrif. Áferðir minna á blíða snertingu, hráleika og óorðaða innri tilfinningarheima. Arna hefur undanfarin ár helgað sig vefnaði og myndmálið sækir hún í hversdagsleikann, skissubækur sínar, og helgast valið ekki af fágaðri útfærslu frummyndarinnar, heldur frekar möguleika þess til frekari tilrauna og úrvinnslu.

There's Something About Mary – Föstudagspartísýning

Hvar? Bíó Paradís
Hvenær? 3. maí kl. 20.00
Aðgangseyrir: 1.600 kr.

Árið 1998 voru Cameron Diaz og Ben Stiller í toppformi, en þau klifu efst á alla vinsældalista og urðu á vörum allra, þökk sé eftirminnilegu rómantísku gamanmyndinni There’s Something About Mary. Eftir misheppnað stefnumót í menntaskóla hittast persónur Diaz og Stillers að nýju þrettán árum seinna, þökk sé einkaspæjara sem endar á því að falla sjálfur kylliflatur fyrir Mary.

Þetta hefur aldrei sést áður

Hvar? Hafnarhús
Hvenær? 4.–12. maí
Aðgangseyrir: 1.800 kr.

Listasafn Reykjavíkur hefur allt frá árinu 2003 hýst útskriftarsýningu hundruða nemenda á BA-stigi í myndlistardeild og hönnunar- og arkitektúrdeild Listaháskóla Íslands. Verkin endurspegla nám, rannsóknir og listsköpun nemendanna síðustu þrjú ár. Á sýningunni getur að líta myndlist, grafíska hönnun, arkitektúr, fatahönnun og vöruhönnun. 

Í ljósum loga

Hvar? Tjarnarbíó
Hvenær? 5. maí kl. 15.00 & 17.00
Aðgangseyrir: 1.000 kr.

Glitrandi akróbatík, sjálflýsandi loftfimleikar, skínandi djöggl og myrkfælnir trúðar munu sjást í Tjarnarbíói. Sýningin Í ljósum loga er vorsýning Æskusirkusins 2019, en viðfangsefni hennar er samspil ljóss, myrkurs og sirkus. Sýningin er sköpuð af framhaldsdeild Æskusirkusins undir leiðsögn kennara. Í ljósum loga er fjórða sjálfstæða sýning Æskusirkusins, en sirkuskrakkarnir hafa undanfarin ár komið fram á Barnamenningarhátíð og menningarnótt.

Einkasýning Janice Kerbel 

Hvar? i8
Hvenær? til 25. maí
Aðgangseyrir: Ókeypis!

Verk úr sýningum Janice Kerbels, Brawl og Sink, eru til sýnis í i8. Fyrrnefnda sýningin samanstendur af gríðarstórum silkiþrykkum þar sem koma fyrir sagnorð og nafnorð í ólíkum leturgerðum sem eru lögð niður og jafnvel sáldrað um portrettlaga örkina. Í þeirri síðarnefndu nálgast Kerbel lögun og áferð pappírsarkarinnar líkt og um ferhyrnda sundlaug væri um að ræða.

Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Stundarskráin

Mest lesið

Mest lesið

Mest lesið í vikunni

Sagt upp í Ráðhúsinu þar sem hún lá á bráðamóttöku
1
Innlent

Sagt upp í Ráð­hús­inu þar sem hún lá á bráða­mót­töku

Þeg­ar Hólm­fríð­ur Helga Sig­urð­ar­dótt­ir lagði hjólandi af stað í vinn­una í síð­ustu viku grun­aði hana ekki hvað var í vænd­um. Hún varð fyr­ir bíl og þar sem hún lá slös­uð á bráða­mót­töku var henni sagt upp störf­um sem upp­lýs­inga­full­trúi í Ráð­hús­inu. Hún seg­ir frá því þeg­ar hún fékk „ tvö rot­högg á ein­um ör­laga­rík­um degi“.

Mest lesið í mánuðinum

Milljarða fjárfestingar Guðbjargar sem ekki sjást í skýrslunni
1
Úttekt

Millj­arða fjár­fest­ing­ar Guð­bjarg­ar sem ekki sjást í skýrsl­unni

Við­skipta­veldi Guð­bjarg­ar Matth­ías­dótt­ur bygg­ir fyrst og fremst á hagn­aði í sjáv­ar­út­vegi. Frá því að hún sett­ist í stjórn Ís­fé­lags­ins hafa nærri 15 millj­arð­ar streymt úr Ís­fé­lag­inu í Vest­manna­eyj­um til Guð­bjarg­ar og fjöl­skyldu. Hvorki hún né fjár­fest­ing­ar henn­ar koma fram í skýrslu sem unn­in var að beiðni Al­þing­is um eign­ir, eig­end­ur og fjár­fest­ing­ar stærstu út­gerð­ar­fé­laga lands­ins.
Samherjabörnin greiddu lán foreldra sinna með eignarhlut í stærsta eiganda Samherja
3
Viðskipti

Sam­herja­börn­in greiddu lán for­eldra sinna með eign­ar­hlut í stærsta eig­anda Sam­herja

Lán­ið sem Þor­steinn Már Bald­vins­son og Helga Stein­unn Guð­munds­dótt­ir veittu börn­um sín­um til að kaupa nærri helm­ings hlut í Sam­herja af þeim hef­ur ver­ið gert upp. Börn­in, þau Bald­vin, for­stjóri Sam­herja, og Katla Þor­steins­börn eru nú orðn­ir með­eig­end­ur for­eldra sinna í fé­lög­un­um sem lán­uðu þeim fyr­ir kaup­un­um. Sam­þykkt­ir fé­lags­ins tryggja þeim fast­ar arð­greiðsl­ur úr K&B á hverju ári.
Halldór Jörgen Olesen
5
Aðsent

Halldór Jörgen Olesen

Hver borg­ar fyr­ir arð­semi bank­anna?

Ís­lensku bank­arn­ir græða nærri tvö­falt meira á hverri lán­aðri krónu en evr­ópsk­ir bank­ar. Há­ir stýri­vext­ir Seðla­bank­ans juku hagn­að­inn, en bjuggu hann ekki til. Skýr­ing­in ligg­ur í þrennu: að­eins þrír stór­ir bank­ar skipta mark­aðn­um á milli sín, verð­tryggð lán færa verð­bólgu­áhætt­una frá bönk­un­um yf­ir á heim­il­in, og krón­an lok­ar land­inu fyr­ir sam­keppni að ut­an. Töl­urn­ar stand­ast skoð­un og spurn­ing­arn­ar sem þær vekja gera það líka.

Mest lesið í mánuðinum

Nýtt efni

Smáþörungarnir sem eiga að breyta heiminum
Rannsókn

Smá­þör­ung­arn­ir sem eiga að breyta heim­in­um

„Með bein­teng­ingu okk­ar við Hell­is­heið­ar­virkj­un tekst okk­ur bók­staf­lega að breyta orku í mat­væli,“ full­yrti fram­kvæmda­stjóri Vaxa Technologies. Fyr­ir­tæk­ið bygg­ir á að hægt sé að rækta smá­þör­unga til að „um­bylta mat­væla­iðn­að­in­um“ og send­ir spiru­l­ina til vannærðra barna í Afr­íku. Ýms­ar spurn­ing­ar hafa hins veg­ar vakn­að um rekst­ur­inn, mark­aðs­setn­ingu og um­deilda út­reikn­inga á kol­efnisein­ing­um.

Mest lesið undanfarið ár