Sjóður í rekstri hjá Stefni, sjóð­stýr­ing­ar­fé­lagi Arion banka, hefur keypt 73 pró­senta hlut í félag­inu ISNIC, Internet á Íslandi hf., sem sér um skrán­ingu og útgáfu á íslenska lands­höf­uð­lén­inu, .is.

Bindandi sam­komu­lag um kaupin náð­ist í sept­em­ber í fyrra og í des­em­ber til­kynnti rík­is­sjóður að hann myndi falla frá for­kaups­rétti. Kaup­verðið er trún­að­ar­mál, sam­kvæmt svari sjóð­stjóra hjá Stefni við fyr­ir­spurn Heim­ild­ar­innar um kaupin.

Fyrst var sagt frá kaup­unum í frétta­til­kynn­ingu sem barst frá Stefni síð­degis í gær, mið­viku­dag. Litlar upp­lýs­ingar voru gefnar út um við­skiptin aðrar en þær að þau yrðu háð sam­þykki Sam­keppn­is­eft­ir­lits­ins. Ekki var sagt frá því hvenær sam­komu­lag komst á um við­skiptin né hvort rík­is­sjóður hefði afsalað sér for­kaups­rétt­inum.

Í svari til Heim­ild­ar­innar segir Ólöf Pét­urs­dóttir sjóð­stjóri að Stefnir tjái sig almennt ekki um fjár­fest­ingar sjóða sinna fyrr en að loknu ferli hjá eft­ir­lits­að­ilum, í þessu til­viki Sam­keppn­is­eft­ir­lit­inu, en gefur þó þær upp­lýs­ingar sem …