Afgerandi meiri­hluti íbúa í Ölfusi höfn­uðu hug­myndun Heidel­berg um umfangs­mikla möl­un­ar­verk­smiðju í sveit­ar­fé­lag­inu. 70,5 pró­sent þeirra sem greiddu atkvæði í íbúa­kosn­ing­unni sögðu nei við áformum fyr­ir­tæk­is­ins en 28,5 pró­sent studdi þau. 12 íbúar skil­uðu auðu eða ógildum atkvæða­seðlum. Þetta kemur fram á vef sveit­ar­fé­lags­ins. 

Nið­ur­staðan er enn meira afger­andi en könnun sem Heim­ildin fékk Maskínu til að fram­kvæma á síð­asta ári, um afstöðu íbúa til upp­bygg­ing­ar­innar. Í könn­un­inni sögð­ust 44,7 pró­sent íbúa í sveit­ar­fé­lag­inu Ölfusi vera mjög eða frem­ur and­víg­ir bygg­ingu möl­un­ar­verk­smiðj­unn­ar í bæn­um. Til sam­an­burð­ar eru ein­ung­is 19,3 pró­sent íbúa frem­ur eða mjög hlynnt­ir bygg­ingu verk­smiðj­unn­ar. 

Áætlanir Heidel­berg gengu út á að byggja verk­smiðju í Þor­láks­höfn til að mala móberg til útflutn­ings. Móbergs­muln­ing­inn á svo að nota í sem­ents­gerð.