Voveif­legar atburður átti sér stað í Nes­kaup­stað í nótt. Samkvæmt yfir­lýs­ingu frá Lög­regl­unni á Aust­ur­landi rann­sakar hún „alvar­legt atvik“ sem átti sér stað í heima­húsi í bænum. Tveir hafa verið úrskurð­aðir látnir.

Lög­reglan hefur í dag verið við aðgerðir í hús­inu, sem er við Strand­götu, aðal­götu bæj­ar­ins.

Í frétt RÚV kemur fram að hin látnu hafi verið eldri hjón. Þá hafi bif­reið hjón­anna horfið. Í kjöl­farið hafi lög­regla hand­tekið mann í Reykja­vík, eftir að hafa verið með við­búnað á Snorra­braut og lokað umferð við Eiríks­götu. Vitni að aðgerðum lög­reglu á Snorra­braut seg­ist í sam­tali við dv.is hafa séð tvo menn með skamm­byssur stökkva út úr ómerktri bif­reið. Um var að ræða óein­kenn­is­klædda lög­reglu­menn.

Þetta er ekki eina höggið sem sam­fé­lagið í Nes­kaup­stað hefur fengið á sig. Í dag klukkan 18 átti að halda minn­ing­ar­stund vegna and­láts manns sem lést af völdum voða­skots við Hálslón í fyrra­dag. Maðurinn hafði misst barn­ungan son sinn úr bráðum veik­indum fyrr í sumar.