Á árunum 2021 og 2022 var kosið tví­vegis, fyrst til þings og svo til sveit­ar­stjórna. Nær allir flokkar skila tapi við slíkar aðstæður, enda kostn­að­ar­samt að taka þátt í kosn­ingum. Einn sker sig úr, Sjálf­stæð­is­flokk­ur­inn. Hann er sá flokkur sem fær hæstu fjár­hæð­irnar úr opin­berum sjóðum og sá flokkur sem fær mest fé frá atvinnu­líf­inu, sem gaf honum meira fé á árinu 2022 en það hefur gert síðan á árinu 2007. Þetta eru þó ekki meg­in­á­stæður þess að Sjálf­stæð­is­flokk­ur­inn stendur betur en nokk­urt annað stjórn­mála­afl í land­inu. Þær liggja í fast­eigna­þróun. 

Á árinu 2020 var sam­þykkt nýtt deiliskipu­lag Háa­leit­is­brautar 1, lóð­inni sem Valhöll, höf­uð­stöðvar flokks­ins, standa á. Samkvæmt því var heim­ilt að bæta tveimur nýjum bygg­ing­ar­reitum við lóð­ina. Á þeim er meðal ann­ars gert ráð fyrir að byggja 47 íbúða fjöl­býl­is­hús, skrif­stofu­hús­næði og bíla­kjall­ara. Hluti bygg­ing­ar­réttar Val­hall­ar­reits­ins, sem snýr að horni Skip­holts og Bolholts, var seldur á árinu 2021. Ári …