„Nei, ég tel mig vera styrkum fótum að birta þetta þar sem liggja fyrir þrjú lög­fræði­á­lit þar sem segir að skylt sé að birta þetta. Það eina sem hefur staðið í vegi fyrir að þetta sé birt er að for­seti Alþingis er ekki til í að birta þetta,“ segir Þór­hildur Sunna Ævars­dóttir, þing­maður Pírata, í sam­tali við Heim­ild­ina. 

Nefnd­ar­menn í stjórn­skip­unar- og eft­ir­lits­nefnd fengu útprentað afrit af skýrslu Sigurðar Þórð­ar­sonar, fyrr­ver­andi setts rík­is­end­ur­skoð­anda, um Lind­ar­hvol í póst­hólf sín í morgun. Píratar birtu skýrsl­una á vef­síðu sinni fyrr í dag en mikil leynd hefur hvílt yfir henni síðan árið 2018. Birgir Ármanns­son, for­seti Alþingis og þing­maður Sjálf­stæð­is­flokks­ins, telur að það hafi ekki þýtt að trún­aði yfir skýrsl­unni hafi verið aflétt.

„Ég fékk hana í hendur og fannst mik­il­vægt að þetta kæmi …