Þessi grein birtist fyrir meira en 2 árum.
Fréttir

„Ég hef aldrei misst svefn yfir neinu sem tengist Samherja“

Þóra Arn­órs­dótt­ir seg­ir að lög­reglu­rann­sókn sem hún sæt­ir í tengsl­um við hina svo­köll­uðu „skæru­liða­deild Sam­herja“ hafi ekk­ert haft með brott­hvarf henn­ar úr stóli rit­stjóra Kveiks að gera. Hún telji núna rétt­an tíma­punkt til að skipta um starfs­vett­vang og sé full til­hlökk­un­ar.

„Ég hef aldrei misst svefn yfir neinu sem tengist Samherja“
Skilur sátt við Þóra segir að hún sé búin að vinna eiginlega í öllu sem hægt er að ímynda sér og skilji sátt við RÚV, sem sé frábær vinnustaður. Mynd: RÚV / Arnar Þórisson
Freyr Rögnvaldsson
ritstjorn@heimildin.is

Þóra Arnórsdóttir fyrrverandi ritstjóri Kveiks segir að lögreglurannsókn á hendur henni vegna umfjöllunar um samskipti svokallaðrar „skæruliðadeildar Samherja“ hafi ekki haft áhrif á ákvörðun hennar um að láta af starfi ritstjóra. Hún sé einfaldlega að söðla um og skipta um starfsvettvang eftir aldarfjórðung í fjölmiðlum. „Ég hef aldrei misst svefn yfir neinu sem tengist Samherja og ætla ekki að fara að gera núna.“

Heimildin greindi frá því í dag að Þóra hefði látið af störfum sem ritstjóri Kveiks til að hverfa til annarra starfa utan Ríkisútvarpsins. Spurð til hvaða starfa hún sé að hverfa svarar Þóra því til að það verði tilkynnt seinna í þessari viku. Aðdragandinn að vistaskiptunum hafi verið frekar stuttur en um er að ræða starf utan fjölmiðlageirans.

Rétti tímapunkturinn er núna

Spurð hvernig tilfinningin sé, að hætta nú störfum í fjölmiðlum eftir 25 ára feril svarar Þóra: „Það er svolítið sérstakt en ég er er samt full tilhlökkunar. Ég er búin að vinna í útvarpi og sjónvarpi, heimildamyndum, kosningasjónvarpi og skemmtiþáttum. Eiginlega bara öllu sem maður getur ímyndað sér. Ég er búin að taka á móti ofboðslega mörgum Eddum og held að ég geti alveg skilið sátt við RÚV, sem er frábær vinnustaður. Ég hugsaði með mér að ég ætti kannski tuttugu ár eftir á vinnumarkaði og ef ég ætlaði einhvern tímann að skipta um starfsvettvang þá væri þetta kannski bara rétta tækifærið, rétti tímapunkturinn.“

„Í sjálfu sér er fyrst og fremst einkennilegt að ekki sé búið að fella þetta mál niður nú þegar“
Þóra Arnórsdóttir

Spurð hvort rannsókn lögreglunnar á Norðurlandi eystra á hendur Þóru, ásamt þremur blaðamönnum Heimildarinnar, í tengslum við birtingu frétta um svokallaða skæruliðadeild Samherja, hafi haft einhver áhrif á að hún ákvað að söðla um neitar hún því.

„Nei, ekki þannig. Ég hef aldrei misst svefn yfir neinu sem tengist Samherja og ætla ekki að fara að gera núna. Enda engin ástæða til þess. Þessi rannsókn sem er í gangi núna hefur í sjálfu sér ekkert með Samherja að gera, þannig séð, heldur það hvort við, þessir fréttamenn, höfum mögulega séð eða dreift heimakynlífsmyndböndum Páls Steingrímssonar. Ég hef ekki gert það og þar með er málið ekkert flóknara. Það er kjarni málsins. Í sjálfu sér er fyrst og fremst einkennilegt að ekki sé búið að fella þetta mál niður nú þegar.“

Fyrirvari: Ásamt Þóru sæta þrír blaðamenn Heimildarinnar einnig lögreglurannsókn lögreglunnar á Norðurlandi eystra í sama máli.

Kjósa
24
Hvernig finnst þér þessi grein? Skráðu þig inn til að kjósa.

Athugasemdir (1)

Skráðu þig inn til að skrifa athugasemd eða kjósa.
  • Bergljót Davíðsdóttir skrifaði
    7. febrúar 2023 10:45
    Er það tilviljun að Aðalsteinn er hættur, ásamt Þóru og Helgi skipti um fjölmiðil eftir þá fáránlegu árás, undir formerkjum rannsóknar lögreglustjórans á Akureyri, sem þau urðu fyrir? Ekki að undra, það tekur á þegar valdstjórnin sækir að fólki sem aðeins er að vinna samkvæmt þeirri sannfæringu og hugsjon sem allir alvöru fjölmiðlamenn finna innra með sér.
    4
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

„Ég var lifandi dauð“
1
Viðtal

„Ég var lif­andi dauð“

Lína Birgitta Sig­urð­ar­dótt­ir hlú­ir vel að heils­unni. Hún er 34 ára í dag og seg­ist ætla að vera í sínu besta formi fer­tug, and­lega og lík­am­lega. Á sinni ævi hef­ur hún þurft að tak­ast á við marg­vís­leg áföll, en fað­ir henn­ar sat í fang­elsi og hún glímdi með­al ann­ars við ofsa­hræðslu, þrá­hyggju og bú­lemíu. Fyrsta fyr­ir­tæk­ið fór í gjald­þrot en nú horf­ir hún björt­um aug­um fram á veg­inn og stefn­ir á er­lend­an mark­að.
Ungu fólki í blóma lífsins er allt í einu kippt út úr samfélaginu
6
ÚttektME-faraldur

Ungu fólki í blóma lífs­ins er allt í einu kippt út úr sam­fé­lag­inu

Þó svo að ME-sjúk­dóm­ur­inn hafi senni­lega ver­ið til í ald­ir hef­ur hann lengi far­ið hljótt og ver­ið lítt við­ur­kennd­ur. Ástæða þess er vænt­an­lega sú að þar til nú hef­ur ver­ið erfitt að skilja mein­gerð sjúk­dóms­ins. Þrátt fyr­ir að mjög skert lífs­gæði og að byrði sjúk­dóms­ins sé meiri en hjá sjúk­ling­um með aðra al­var­lega sjúk­dóma er þjón­usta við þá mun minni en aðra sjúk­linga­hópa.

Mest lesið í mánuðinum

„Ég var lifandi dauð“
2
Viðtal

„Ég var lif­andi dauð“

Lína Birgitta Sig­urð­ar­dótt­ir hlú­ir vel að heils­unni. Hún er 34 ára í dag og seg­ist ætla að vera í sínu besta formi fer­tug, and­lega og lík­am­lega. Á sinni ævi hef­ur hún þurft að tak­ast á við marg­vís­leg áföll, en fað­ir henn­ar sat í fang­elsi og hún glímdi með­al ann­ars við ofsa­hræðslu, þrá­hyggju og bú­lemíu. Fyrsta fyr­ir­tæk­ið fór í gjald­þrot en nú horf­ir hún björt­um aug­um fram á veg­inn og stefn­ir á er­lend­an mark­að.

Mest lesið í mánuðinum

Nýtt efni

„Óbærilega vitskert að veita friðarverðlaun Nóbels til Machado“
Stjórnmál

„Óbæri­lega vit­skert að veita frið­ar­verð­laun Nó­bels til Machado“

Krist­inn Hrafns­son, rit­stjóri Wiki­Leaks, seg­ir Nó­bels­nefnd­ina skapa rétt­læt­ingu fyr­ir inn­rás Banda­ríkj­anna í Venesúela með því að veita María Cor­ina Machado, „klapp­stýru yf­ir­vof­andi loft­árása“, frið­ar­verð­laun. Ju­li­an Assange, stofn­andi Wiki­Leaks, hef­ur kraf­ist þess að sænska lög­regl­an frysti greiðsl­ur til Machado.
Kuldalegur heimsendir
GagnrýniEilífðarvetur

Kulda­leg­ur heimsend­ir

Em­il Hjörv­ar Peter­sen hef­ur und­an­far­in ár gef­ið út formúlu­kennd­ar fant­asíu­bók­mennt­ir sem eiga sér sterk­ar fyr­ir­mynd­ir í ensku­mæl­andi bók­mennta­iðn­aði. Þrí­leik­ur Em­ils, Víg­hól­ar, Sól­hvörf og Norna­sveim­ur sverja sig í und­ir­flokk furðu­sagn­anna, glæpaf­ant­así­ur. Und­ir­rit­að­ur hef­ur sann­ar­lega dott­ið inn í slík­an skáld­skap. Þeg­ar vel til tekst er varla skemmti­legri og yf­ir­drifn­ari af­þrey­ingu að finna. Að auki er hægt að kaupa sér þannig bæk­ur fyr­ir...

Mest lesið undanfarið ár