Aukaspurningar:

Hvaða filmstjarna prýðir myndina hér að ofan?

***

Aðalspurningar:

1.  Oft er sagt að Tim Berners-Lee hafi „fundið upp“ ákveðið fyrirbæri. Málið er reyndar miklu flóknara en svo því margir fleiri koma við sögu. En Berners-Lee kom altént mjög við sögu á þróun hvaða fyrirbæris?

2.  Sumir segja að Rússar vinni alltaf öll stríð sín að lokum. Það er þó fjarri sanni. Á árunum 1904-1905 háði Rússland til dæmis stríð við ákveðið land og koltapaði. Hvaða land var þetta?

3.  Í hvaða landi eru Múmínálfarnir upprunnir?

4.  Hvað heitir forseti framkvæmdastjórnar Evrópusambandsins?

5.  Hverjir halda jamborí?

6.  Hvað heitir höfuðborg New York-ríkis í Bandaríkjunum?

7.  Jóhannes Þór Skúlason er talsmaður hvers eða hverra?

8.  Hvað er lang þéttbýlasta sjálfstæða ríki heims?

9.  Hver er nýjasti konungborni þjóðhöfðingi heimsins?

10.  Nöfn á nær öllum fjölmennustu þéttbýlisstöðum á Íslandi eru samsett úr heitum á tveimur náttúrufyrirbærum og/eða dýrum merkurinnar, svo sem reykja- og -vík. En hver er fjölmennasti staðurinn þar sem slík náttúrufyrirbæri er aðeins annar af tveim nafnliðum?

***

Seinni aukaspurning:

Fáni hvaða ríkis er þetta? Geta má þess — ykkur til aðstoðar — að ákveðin tengsl (vissulega lítilfjörleg) eru milli aukaspurninganna tveggja.

***

Svör við aðalspurningum:

1.  Internetinu. Hann þróaði veraldarvefinn, sem er nú afar mikilvægur hluti netsins.

2.  Japan.

3.  Í Finnlandi.

4.  Ursula von der Leyen. 

5.  Skátar.

6.  Albany.

7.  Ferðaþjónustunnar, Samtaka ferðaþjónustufyrirtækja.

8.  Mónakó.

9.  Karl þriðji. Númerið verður að vera rétt.

10.  Vestmannaeyjar. Hér leyfi ég mér að telja „vestmenn“ ekki til náttúrufyrirbæra né dýra!

***

Svör við aukaspurningum:

Á efri myndinni er Catherine Zeta-Jones.

Á neðri myndinni er fáni Zimbabwe.

Tengslin eru náttúrlega zetan ...