Tónlist og mynd­list hafa gegn­um­sýrt líf Páls Ivans frá Eiðum, tón­skálds og mynd­list­ar­manns. Hann vinnur í mörg list­form, er mennt­aður tón­skáld en byrj­aði að mála í fæð­ing­ar­or­lof­inu árið 2012 þar sem hann að eigin sögn gat ekki hugsað vegna svefn­leysis. „Svefn­leysið stöðv­aði allt vit­rænt eins og að skipu­leggja tón­smíð. Þá fór ég að klína litum á fleti. Klína og smyrja og maka. Litirnir og áferðin gladdi mig og krafð­ist einskis af mér. Svo fór ég smám saman að pæla aðeins í því að klína eitt­hvað ákveðið,“ segir Páll um byrjun mynd­list­ar­fer­ils­ins. „Mynd­listin varð svo eins og hug­leiðsla fyrir mig, algjör­lega ómissandi og nær­andi.“ 

Stemningar, tilfinningar, hugmyndir

Páll Ivan fædd­ist í Zagreb í Króatíu árið 1981, en þaðan er móðir hans. Fjöl­skyldan var á flakki um heim­inn framan af en end­aði á Eiðum, „vegna þess að for­eldrar mínir eru tón­list­ar­kenn­arar og fengu ágætis vinnu við kennslu þar og í …