Þemaþrautin þennan síðasta ársins 2022 snýst um þau sem fæddust fyrir einni öld. Nema aukaspurningarnar snúast um atburði ársins 1922 á Íslandi.

Fyrri aukaspurning:

Á myndinni hér að ofan má sjá merkilegt fyrirbæri sem framkvæmdir hófust við 1922. Hvað er það?

***

Aðalspurningar:

1.  Hver er þessi karl sem fæddist 27. maí 1922 (og var víst ekki mikið fyrir blóð í raun og veru)?

***

2.  Þessi fæddist 21. janúar 1922 og varð frægur fyrir leik í sjónvarpsseríu. Hvað hét hann?

***

3.  Þessi söng- og leikkona fæddist 10. júní 1922 en andaðist langt fyrir aldur fram 1969, enda fór hún víst ekki vel með sig. Hún hét ... hvað?

***

4.  Þessi rithöfundur fæddist 12. mars 1922 en lést sama ár og konan hér að ofan, 1969, enda fór hann heldur ekki vel með sig. Hann var frægur fyrir að skrifa kunnustu skáldsögu sína í miklum spreng á eina samfellda pappírsrúllu í ritvél sinni, þótt á þessari mynd sé hann með venjulegt A4 blað í vélinni. Hvað hét hann?

***

5.  Karlinn lengst til vinstri fæddist 1. mars 1922 en var myrtur árið 1995. Hvað hét hann?

***

6.  Þessi kvikmyndaleikstjóri (sá til hægri) fæddist 16. júlí 1922 en lést 2010. Hann hét ... hvað?

***

7.  Hvíthærði tískuhönnuðurinn á myndinni fæddist 2. júní 1922 á Ítalíu en bjó lengst af í Frakklandi. Hann lést fyrir aðeins tveim árum, 98 ára. Hann þótti á sínum tíma framúrstefnulegur í formum og oftar en ekki litríkur. Hann hét ... hvað?

***

8.  Þessi glaðlega leik- og söngkona fæddist 3. apríl 1922. Það eru ekki nema þrjú ár síðan hún lést í hárri elli, en alltaf var hún jafn kát og glöð og hét ... hvað?

***

9.  Þessi rithöfundur fæddist 11. nóvember 1922 og kom einu sinni í heimsókn til Íslands. Þá birtist þessi mynd af honum í Morgunblaðinu. Hann hét ... hvað?

***

10.  Þessi fæddist 26. nóvember 1922. Og hann hét ... hvað?

***

Svo er hér sérstök aukaspurning sem gefur sérstakt 1922-stig!

Listamaðurinn á myndinni hér að neðan fæddist 5. mars 1922 en lést voveiflega 1975. Hvað hét hann?

***

Og þá kemur hér seinni aukaspurning:

Þessi mynd er til vitnis um merkisatburð sem gerðist 1922. Hver var sá? Svarið þarf að vera nákvæmt.

***

Svör við aðalspurningum — og eftirnöfn duga í öllum tilfellum:

1.  Christopher Lee.

2.  Telly Savalas.

3.  Judy Garland.

4.  Jack Kerouac.

5.  Yitzhak Rabin.

6.  Blake Edwards

7.  Pierre Cardin.

8.  Doris Day.

9.  Kurt Vonnegut.

10.  Charles M. Schulz.

***

Og svarið við sérstöku aukaspurningunni er:

Pasolini, ítalskur kvikmyndaleikstjóri.

***

Svör við aukaspurningum:

Á efri myndinni er Flóaáveitan.

Neðri myndin sýnir fyrstu konuna á þingi, en Ingibjörg H. Bjarnason var kosin í kosningum sumarið 1922.