Fyrri aukaspurning:

Á myndinni hér að ofan má sjá Halldóru Geirharðsdóttur á leiksviði. Hvað er hún að leika þarna?

***

Aðalspurningar:

1.  Hvernig dýr er hávella?

2.  Fyrir um áratug fundust ævafornar leifar af manni í helli í Rússlandi og reyndist þar vera um að ræða nýja og áður óþekkta manntegund, sem uppi var um svipað leyti og Neanderdalsmenn. Hvaða nafn hefur tegundin hlotið?

3.  Clarence Leonidas Fender var bandarískur hugvitsmaður sem stofnaði fyrirtæki til að framleiða vörur sem hann þróaði. Vörurnar voru ýmsar, en óhætt er að segja að langfrægasta og vinsælasta vara Fenders hafi verið ... hvað? 

4.  Í hvaða borg er Prado-listasafnið?

5.  En í hvaða borg var fjörugt listalíf fyrir 80-100 árum kennt við vinstri bakkann á fljóti sem rennur um borgina?

6.  Bandaríski rithöfundurinn Hemingway skrifaði fræga endurminningabók um dvöl sína á vinstri bakkanum í þessari bók. Hvað nefnist bókin í íslenskri þýðingu?

7.  Það var raunar enginn smákall sem þýddi þá bók á íslensku, heldur ... hver?

8.  Hvaða heimspekingur sendi frá sér árið 1818 bókina Die Welt als Wille und Vorstellung? Eða Veröldin sem vilji og framsetning — lauslega þýtt!

9.  Sólveig Matthildur hljómborðsleikari, Laufey Soffía söngvari og Margrét Rósa bassaleikari eru hljómsveit. Hvað heitir hljómsveitin?

10.  Möngke, Hulagu, Güyü, Kublai, Batu, Baidar og Ariq voru allir frægir menn og aðsópsmiklir fyrir 800 árum eða svo. En hver var enn frægari afi þeirra allra?

***

Aukaspurningin seinni:

Hvaða fjöll má sjá hér að neðan?

***

Svör við aðalspurningum:

1.  Fugl.

2.  Denisovar.

3.  Rafmagnsgítar. „Rafmagn“ verður að vera með.

4.  Madrid.

5.  París.

6.  Veisla í farángrinum.

7.  Halldór Laxness.

8.  Schopenhauer.

9.  Kælan mikla.

10.  Genghis Khan.

***

Svör við aukaspurningum:

Halldóra er að leika Bubba Morthens.

Fjallgarðurinn er Himalaja.