„Það er búið að borga fyrir þetta“

Guð­laugur Þór Þórð­ar­son umhverf­is­ráð­herra segir að þar sem búið sé að borga fyrir end­ur­vinnslu íslenska plast­s­ins í vöru­hús­inu í Paryd þá eigi að sjá til þess að það fari í end­ur­vinnslu. Þetta er þvert á nið­ur­stöðu íslensku sendi­nefnd­ar­innar og Úrvinnslu­sjóðs en þeir segja að ekk­ert frekar verði aðhafst í mál­inu og að sænsk stjórn­völd eigi að sjá um málið. Ráð­herr­ann segir að fólk verði að geta treyst því að þegar það flokki plast, skili það sér á réttan stað. 

„Mér finnst þetta mál vera þannig að við verðum að geta treyst því þegar við erum að flokka, sem við verðum að gera og eigum að setja okkur mjög háleit mark­mið í því, að hlut­irnir fari á þann stað sem það á að fara á. Það er í mörg horn að líta í þessu ráðu­neyti, þetta er eitt af þessum mik­il­vægu mál­efnum. Ég hef ein­sett mér það að ganga þannig …