Fyrri aukaspurning:

Þið haldið kannski að það sem sést á myndinni hér að ofan sé einhvers konar hálsfesti eða þvíumlíkt. En því fer fjarri. Þetta er í rauninni „bók“ skrifuð með hnútum. Hvaða þjóð „skrifaði“ þessa „bók“?

***

Aðalspurningar:

1.  Nærri helmingur Bandaríkjamanna telst til einhverrar af fjölmörgum trúarhreyfingum mótmælenda. En hvaða trúarhópur kemur næstur þar á eftir?

2.  Og hversu hátt hlutfall Bandaríkjamanna tilheyrir þeim trúarhópi? Hér má muna þremur prósentum til að frá.

3.  14. júlí er hátíðisdagur í Frakklandi. Hvað kallast dagurinn?

4.  Hvað kallast rucola á íslensku?

5.  En hvað er kantarella?

6.  Hvað hét sú þjóðlagaskotna hljómsveit sem gaf út á Íslandi lagið Litlir kassar árið 1974?

7.  Hvaða vinsæla kvikmynd gerist á tunglinu Pandóru við sólstjörnuna Alpha Centauri A?

8.  Í rauninni heitir tungl eitt í okkar sólkerfi líka Pandóra. Við hvaða reikistjörnu er tunglið Pandóra?

9.  Steinn Steinarr orti: „Í draumi sérhvers manns er ...“ hvað?

10.  Hvaða ár settist Katrín Jakobsdóttir fyrst á Alþingi?

***

Seinni aukaspurning:

Hver er þetta?

***

Svör við aðalspurningum:

1.  Kaþólikkar.

2.  Rétt svar er 21 prósent, svo stig fæst fyrir 18-24 prósent.

3.  Bastilludagurinn.

4.  Klettasalat.

5.  Sveppur.

6.  Þokkabót.

7.  Avatar.

8.  Satúrnus.

9.  „... fall hans falið.“

10.  2007.

***

Svör við aukaspurningum:

Inkar í Suður-Ameríku notuðu „hnútaletrið“ á myndinni.

Á neðri myndinni er Díana prinsessa.