Bókverkasýning nemenda við Listaháskólann

Hvar? Bókasafn Listaháskólans í Þverholti

Hvenær? Stendur til 29. nóvember

Aðgangseyrir? Ókeypis!

Sýning í tengslum við Reykjavík Art Book Fair 2021 þar sem skoða má bókverk sem nemendur Listaháskólans hafa unnið síðasta áratuginn. Riina Paul Finnsdóttir, Sigurður Atli Sigurðsson og Olga Elliot tóku sýninguna saman.

Lókal – Alþjóðleg leiklistarhátíð

Hvar? Tjarnarbíó og víðar

Hvenær? 25. nóvember til 6. desember

Aðgangseyrir? Mismunandi

Alþjóðleg leiklistarhátíð í Reykjavík sem fagnar töfrunum við verk í vinnslu og allt það nýjasta í sprúðlandi sviðslistasenu er til sýnis. Verkin eru afar fjölbreytt, allt frá símaleikhúsi og mannyrkjustöð til rannsókna um af hverju konur ákveða að eignast ekki börn og heimsþekkta sviðslistahópsins 600 Highwaymen. Samhliða hátíðinni verður einnig gefið út sýnisrit sviðshandrita, Syrpa.

Spilasmiðja

Hvar? Borgarbókasafnið Úlfarsárdal

Hvenær? 4. desember kl. 13–15 

Aðgangseyrir? Ókeypis!

Spilavinir standa fyrir fjölskylduvænni spilastund þar sem fjöldinn allur af spilum og leikjum verða í boði. Spilin er svo hægt að taka að láni. 

Tove

Hvar? Bíó Paradís

Hvenær? Ýmsir tímar

Aðgangseyrir? 1.690 krónur

Ævisöguleg kvikmynd byggð á lífi hinnar ástsælu Tove Jansson, sem best er þekkt fyrir að vera höfundur Múmínálfa. Kvikmyndin er framlag Finnlands til Óskarsverðlaunanna.

Lista- og handverksmarkaður Gilfélagsins

Hvar? Deiglan, Listagilið á Akureyri

Hvenær? 4. og 5. desember kl. 12–17.  

Aðgangseyrir? 1.690 krónur.

Lista- og handverksmessa, þar sem gestum og gangandi gefst færi á að kaupa verk beint af listafólki.

Konfekt, súkkulaði og sælgæti

Hvar? Norræna húsið

Hvenær? 4. desember kl. 15

Aðgangseyrir? Ókeypis en þarf að panta

Silja Knudsen og Helga Haraldsdóttir kynna girnilegar uppskriftir sem gleðja bragðlaukana yfir jólin. Konfekt, súkkulaði og sælgæti í boði. Gestgjafar árétta þó að hnetur geti leynst í veitingunum.

Bókaspjall

Hvar? Bókasafn Kópavogs

Hvenær? 30. nóvember kl. 20

Aðgangseyrir? Ókeypis en skráning er nauðsynleg

Rithöfundarnir Hildur Knútsdóttir, Friðgeir Einarsson og Hallgrímur Helgason ræða nýjar skáldsögur sínar og lesa upp. Guðrún Sóley Gestsdóttir stýrir umræðum.

Lífríki í myrkri

Hvar? Myrkraverk gallery á Skólavörðustíg

Hvenær? 27. nóvember–1. desember 

Aðgangseyrir? Ókeypis!

Myndlistarkonan Ágústa Björnsdóttir opnar sýningu sína, Lífríki í myrkri, þar sem leikið er á mörkum ljóss og myrkurs, illsku og kímnigáfu.

Emil í Kattholti

Hvar? Borgarleikhúsið

Hvenær? Frá 4. desember

Aðgangseyrir? 5.990 kr.

Hin goðsagnakennda persóna Astrid Lindgren, Emil í Kattholti, stígur á svið í Borgarleikhúsinu frá og með 4. desember. Þórunn Arna Kristjánsdóttir leikstýrir verkinu.

Opin bók

Hvar? Edinborgarhúsið, Ísafirði

Hvenær? 27. nóvember

Aðgangseyrir? Ókeypis, en þarf að panta

Upplestrardagskrá á bókmenntavökunni Opin bók í Edinborgarhúsinu. Höfundarnir sem lesa eru Fríða Ísberg, Ólína Kjerúlf Þorvarðardóttir, Haukur Ingvarsson, Sölvi Björn Sigurðsson, Guðlaug Jónsdóttir (Didda), Eiríkur Örn Norðdahl og Auður Jónsdóttir.