Reykja­vík­ur­borg hefur keypt sjö almenn­ings­sal­erni í mið­borg­inni af fyrri eig­anda. Til stóð að loka sal­ern­unum um síð­ustu ára­mót, eftir að borgin ákvað að end­ur­nýja ekki þjón­ustu­samn­ing við eig­anda sal­ern­anna. Ef af hefði orðið hefðu engin sjálf­virk almenn­ings­sal­erni verið til staðar í mið­borg­inni. Af því varð þó ekki eftir að borgin keypti sal­ernin.

Salernin sjö keypti borgin fyrir fimm millj­ónir króna, en greiddi jafn­framt tvær millj­ónir króna fyrir sér­fræði­þjón­ustu fyrri eig­anda, „enda þekk­ing á rekstri sjálf­virkra almenn­ings­sal­erna af skornum skammti,“ að því er segir í svari frá skrif­stofu rekstrar og umhirðu borg­ar­lands­ins við fyr­ir­spurn Stund­ar­innar. Þá var einnig keypt þjón­ustu­bif­reið fyrir þrjár millj­ónir en sú mun eftir því sem fram kemur í svari frá borg­inni að mestu nýt­ast í önnur verk­efni. Í heild voru því greiddar tíu millj­ónir króna þegar Reykja­vík­ur­borg tók yfir rekstur sal­ern­anna. Eitt sal­ernið mun vera bilað og hafa verið bilað frá því um mitt ár í fyrra. Ekki stendur til að laga það og eru því sex sjálf­virk almenn­ings­sal­erni í rekstri í dag.

EHer­manns­son, sem áður hét AFA JDCecaux, átti og rak sal­ernin en borgin ákvað að end­ur­nýja ekki samn­ing við fyr­ir­tækið um þjón­ust­una. Samkvæmt upp­lýs­ingum frá EHer­manns­son munu um 100 þús­und manns hafa notað sal­ernin árlega og mun borgin hafa greitt um 40 millj­ónir króna á ári til fyr­ir­tæk­is­ins vegna rekstrar þeirra.

Enn stendur til að bjóða út upp­setn­ingu og rekstur nýrra sal­erna og eru kaup borg­ar­innar því skamm­tíma­lausn. Ástæðan er sú að núver­andi sal­erni stand­ast ekki kröfur um aðgengi hreyfi­haml­aðra. Vonast er til að hægt verði að taka ný sal­erni í notkun í ágúst á þessu ári. Þegar til þess kemur mun borgin því kosta nið­ur­rif eldri sal­erna. Ekki er tekið gjald fyrir not á sal­ern­unum nú um stundir.