Fyrri aukaspurning:
Þessi kona lék eitt aðalhlutverkið í frægri hryllingsmynd sem frumsýnd var fyrir rúmlega 40 árum. Hvað hét bíómyndin? Nafn konunnar gefur svo eitt nett bíóstig.
***
Aðalspurningar:
1. Hver lýsti yfir framboði sínu til formanns Samfylkingarinnar fyrir viku síðan?
2. Á 18. öld barðist þýskur barón í her Rússa í stríði við Tyrki. Um afar litrík ævintýri hans í þessu stríði var nokkru síðar samin fræg bók. Hvað hét þessi barón?
3. Illskeyttur sjúkdómur er einnig kenndur við þennan barón. Í hverju lýsir hann sér?
4. Hvað þýðir orðtakið að eitthvað gangi á afturfótunum hjá einhverjum?
5. Árið 1970 varð kona ráðherra á Íslandi í fyrsta sinn. Hvaða kona?
6. En hvers konar ráðherra varð hún? — og hér þarf að tilgreina ráðuneytið nákvæmlega.
7. Brynjólfur Bjarnason var áratugum saman einna fremstur í flokki í hreyfingu íslenskra ... ja, hverra?
8. Leiftur er dýr sem oft verður vart við Ísland þótt ekki þekki allir dýrið með þessu nafni. Hvers konar dýr er leiftur?
9. Svo reynir hér á athyglisgáfuna. Ekki kíkja! — en númer hvað er þessi spurningaþraut?
10. Þýski rithöfundurinn Erich Maria Remarque sendi 1928 frá sér skáldsögu byggða á reynslu sinni úr skotgröfum fyrri heimsstyrjaldar. Hvað nefndist þessi skáldsaga í íslenskri þýðingu?
***
Seinni aukaspurning:
Konan hér að neðan sat á Alþingi 2003 til 2007 og var þá yngst þingmanna. Hvað heitir hún?
***
Svör við aðalspurningum:
1. Kristrún Frostadóttir.
2. Münchhausen.
3. Fólk gerir sér upp sjúkdóma. Athugið að ímyndunarveiki er ekki rétt svar — fólk sem er haldið ímyndunarveiki ímyndar sér að það sé haldið sjúkdómum, en gerir sér þá ekki upp á vísvitandi hátt.
4. Að allt gangi illa.
5. Auður Auðuns.
6. Dóms- og kirkjumálaráðherra varð hún. Kirkjumálin verða að fylgja með.
7. Kommúnista. Sósíalistar duga hér ekki.
8. Hvalur — af höfrungaætt.
9. Hún er númer 852.
10. Tíðindalaust á vesturvígstöðvunum.
***
Svör við aukaspurningum:
Shelley Duvall lék í myndinni The Shining.
Þingkonan fyrrverandi heitir Dagný Jónsdóttir.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir