Sigurður Hannesson fékk fálkaorðuna fyrir starf InDefence og framlag til atvinnulífs

Sigurður Hann­es­son, fram­kvæmda­stjóri Samtaka iðn­að­ar­ins, var einn þeirra sem Guðni Th. Jóhann­es­son sæmdi ridd­ara­krossi hinnar íslensku fálka­orðu í dag. Sigurður fékk orð­una „fyrir atbeina undir merkjum sam­tak­anna Indefence og fram­lag til íslensks atvinnu­lífs.“

Alls hlutu fjórtán manns ridd­ara­kross í dag. Á meðal ann­arra sem hann hlutu var Árni Oddur Þórð­ar­son, for­stjóri Marel fyrir fram­lag sitt til íslensks atvinnu­lífs og útflutn­ings á sviði hátækni og nýsköp­unar.

[adspot]Hér að neðan er hægt að sjá lista yfir alla sem hlutu heið­urs­merki hinnar íslensku fálka­orðu á Bessa­stöðum í dag.

Orðuhafar:

• Árni Oddur Þórð­ar­son for­stjóri, Reykja­vík, ridd­ara­kross fyrir fram­lag til íslensks atvinnu­lífs og útflutn­ings á sviði hátækni og nýsköp­unar
• Daníel Bjarna­son tón­skáld og hljóm­sveit­ar­stjóri, Sel­tjarn­ar­nesi, ridd­ara­kross fyrir fram­lag til íslenskrar og alþjóð­legrar tón­listar
• Gestur Pálsson barna­læknir, Reykja­vík, ridd­ara­kross fyrir störf í þágu heil­brigðis barna
• Guðni Kjart­ans­son fyrr­ver­andi íþrótta­kenn­ari og þjálf­ari, Reykja­vík, ridd­ara­kross fyrir störf á vett­vangi íþrótta og skóla
• Guðrún Hildur Bjarna­dóttir ljós­móðir, Þórshöfn, ridd­ara­kross fyrir fram­lag til heil­brigð­is­þjón­ustu í heima­byggð
• Guðríður Helga­dóttir for­stöðu­maður starfs- og end­ur­mennt­un­ar­deilda Land­bún­að­ar­há­skóla Íslands, Kópavogi, ridd­ara­kross fyrir störf á vett­vangi íslenskrar garð­yrkju og miðlun þekk­ingar
• Jóhanna Gunn­laugs­dóttir pró­fessor við Háskóla Íslands, Garðabæ, ridd­ara­kross fyrir kennslu og rann­sóknir á sviði upp­lýs­inga­fræði og skjala­stjórn­unar
• Margrét Bjarna­dóttir fyrr­ver­andi for­maður fim­leika­fé­lags­ins Gerplu og Fim­leika­sam­bands Íslands, Kópavogi, ridd­ara­kross fyrir störf á vett­vangi íþrótta og æsku­lýðs­mála
• Ólafur Haukur Sím­on­ar­son rit­höf­undur, Reykja­vík, ridd­ara­kross fyrir fram­lag til íslenskrar leik­rit­unar og bók­mennta
• Ólöf Hall­gríms­dóttir bóndi, Mývatns­sveit, ridd­ara­kross fyrir fram­lag til ferða­þjón­ustu og atvinnu­lífs í heima­byggð
• Sig­ur­borg Daða­dóttir yfir­dýra­læknir, Reykja­vík, ridd­ara­kross fyrir fram­lag til vel­ferðar dýra, og störf á vett­vangi dýra­lækn­inga og sjúk­dóma­varna
• Sigurður Hann­es­son fram­kvæmda­stjóri Samtaka iðn­að­ar­ins, Reykja­vík, ridd­ara­kross fyrir atbeina undir merkjum sam­tak­anna Indefence og fram­lag til íslensks atvinnu­lífs
• Sigurður Reynir Gíslason rann­sókna­pró­fessor, Kópavogi, ridd­ara­kross fyrir fram­lag til íslenskra jarð­vís­inda og kolefn­is­bind­ingar
• Val­gerður Stef­áns­dóttir fyrr­ver­andi for­stöðu­maður Sam­skipta­mið­stöðvar heyrn­ar­lausra og heyrn­ar­skertra, Hafn­ar­firði, ridd­ara­kross fyrir störf í þágu íslensks tákn­máls og jafn­rétt­is­bar­áttu döff fólks