Jákvæðar og neikvæðar umræður

Und­an­farna daga hefur verið mikil umræða á vöntun á jákvæðri umfjöllun um mál­efni líð­andi stundar. Ég er hér mjög sam­mála þessu að sumu leyti. En það má ekki rugla saman gagn­rýnni umræðu um spill­ingu í þjóð­fé­lag­inu og umfjöllun um jákvæða fram­vildu innan sam­fé­lags­ins.

[caption id="attachment_12170" align="align­right" width="150"] Kristín Vala Ragn­ars­dóttir, pró­fessor í Sjálf­bærni­vís­indum við Háskóla Íslands.[/caption]

Tökum sem dæmi ,,positive news” í Bret­landi sem var stofnað eftir því sem ég best veit 2001. Þetta var fyrst ein­ungis prent­aður mið­ill sem nú er einnig hægt að nálg­ast á net­inu. Ég nálg­að­ist þetta blað á umhverf­is­ráð­stefnum og las frá a til ö með mik­illi ánægju þegar ég bjó í Bret­landi. Áhersla frétta­blaðs­ins var og er að benda á það jákvæða sem fram fer í sam­fé­lag­inu – allt sem kemur að umhverfis- og sjálf­bærni­málum, sam­fé­lag­inu, sam­fé­lags­legu rétt­læti, jafn­rétti, hjálpar- og þró­un­ar­starfi og skyldum atriðum. Svona blað og frétta­miðlun ættum við að stofna til á Íslandi. Ég hef rætt þetta við nokkra sem tóku því vel, en ekk­ert hefur farið af stað (enn!).

Á Íslandi ríkir ótrú­leg hefð fyrir því að ekki eigi eða megi fjalla um þau mál sem betur mætti fara í þjóð­fé­lag­inu. Þetta var rætt um í Víðsjá á RUV í gær. Sem sé, gagn­rýnin hugsun er illa séð eins og Helga Vala Helga­dóttir fjall­aði um í Kvenna­blað­inu í gær. Þetta hefur verið mjög í umræð­unni sl. daga og má nefna ára­móta­ræður leið­toga þjóð­ar­innar – ekki ómerki­legra fólk en for­set­inn, for­sæt­is­ráð­herr­ann, nýskip­aður unhverf­is­ráð­herra og bisk­upinn – sem öll hafa lagt út frá því að umræðan sé allt of nei­kvæð í sam­fé­lag­inu og að ekki sé horft á það jákvæða sem erlendir sér­fræð­ingar og aðrir bendi á um Ísland.

[quote font="0" align="right"]En þessi mál eru alls óskyld! Að fjalla á jákvæðan máta um ósér­hlífið fólk sem vinnur fyrir sam­fé­lagið og/eða umhverfið er eitt – en að þagga niður í umræðu um spill­ingu, inn­an­búða­brask, frænd­semi með meiru er allt annað![/quote]

En þessi mál eru alls óskyld! Að fjalla á jákvæðan máta um ósér­hlífið fólk sem vinnur fyrir sam­fé­lagið og/eða umhverfið er eitt – en að þagga niður í umræðu um spill­ingu, inn­an­búða­brask, frænd­semi með meiru er allt annað! Nú fer fram mikil bar­átta um völdin á Íslandi eins og þær ham­farir sem hafa átt sér stað í DV und­an­farna mán­uði sýna fram á og Björn Þor­láks­son fjallar um í Akureyri viku­blað 7. jan­úar.

Ég hvet alla sem vilja láta í sér heyra – ekki vera feimin. Komið með vanda­málið upp á yfir­borðið og vinnið að því með öðrum að bæta umræðu­hefð­ina, rétt­lætið og sam­fé­lagið. Saman getum við breytt Íslandi til hins betra.