Sigmundur Davíð segir ríkisstjórnarsamstarfið ekki hanga á bláþræði

Sig­mundur Davíð Gunn­laugs­son for­sæt­is­ráð­herra segir að rík­is­stjórn­ar­sam­starfið hangi ekki á blá­þræði. Hann segir að ekki standi til að halda rík­is­stjórn­ar­fund í dag, og að ímynd Íslands hafi ekki skað­ast vegna umræðu síð­ustu daga. Þetta kom fram í við­tali við hann á Bylgj­unni í morgun.

Sig­mundur sagði jafn­framt að það væru ekki ný tíð­indi að fram­sókn­ar­menn á Akureyri væru gegn Sigmundi, sá hópur væri ekki stuðn­ings­menn hans. Hann sagði einnig að við­tal sem var sýnt í Kast­ljósi og í fjöl­miðlum um allan heim síð­ustu daga hafi verið hannað til að rugla hann í rím­inu.

Bjarni Bene­dikts­son fjár­mála­ráð­herra hefur talað á öðrum nótum. Hann kom til lands­ins snemma í morgun og mun byrja á að funda með Sigmundi Davíð vegna stöðu stjórn­ar­sam­starfs­ins. Frá þessu greinir RÚV. Síðar í dag mun hann funda með þing­flokki Sjálf­stæð­is­flokks­ins.

Ólafur Ragnar Grímsson, for­seti Íslands, kom líka til lands­ins í morgun. Í sam­tali við Vísi greindi hann frá því að hann muni funda með for­mönnum rík­is­stjórn­ar­flokk­anna í dag. Staðan sem komin sé upp sé alvar­leg og for­seti þurfi að vera til staðar og standa sína pligt.