Benedikt: Flokkurinn stofnaður til „að hverfa frá sveiflukenndum gjaldmiðli“

Benedikt Jóhann­es­son hefur tekið ákvörðun um að stíga til hliðar sem for­maður Við­reisnar. Hann til­kynnti þessa ákvörðun sína á fundi með þing­flokki og stjórn flokks­ins í dag. Þor­gerður Katrín Gunn­ars­son, odd­viti flokks­ins í Suð­vest­ur­kjör­dæmi og fyrr­ver­andi vara­for­maður Sjálf­stæð­is­flokks­ins, tekur við for­manns­stöð­unni og leiðir flokk­inn inn í kosn­ingar 28. októ­ber.

Mikils titr­ings hefur gætti í bak­landi Við­reisnar und­an­farna daga, sam­kvæmt heim­ildum Kjarnans, og óánægju gætti með fram­göngu Bene­dikts í við­tali við RÚV, þar sem meðal ann­ars var rætt um ástæður þess að það slitn­aði upp úr rík­is­stjórn­ar­sam­starf­inu með Sjálf­stæð­is­flokknum og Bjartri fram­tíð.

Benedikt baðst afsök­unar á ummælum í við­tal­inu, sem meðal ann­ars snéru að því að fólk myndi ekki eftir því hver hefði verið ástæða þess að rík­is­stjórnin féll.

Á fund­inum var sam­þykkt að Þor­gerður Katrín Gunn­ars­dóttir, land­bún­aðar- og sjáv­ar­út­vegs­ráð­herra og odd­viti fram­boðs Við­reisnar í Suð­vest­ur­kjör­dæmi tæki við hlut­verki hans. Sú ákvörðun var stað­fest af ráð­gjaf­ar­ráði flokks­ins á fundi sem lauk upp úr kl. 18.00 í dag.

Benedikt segir í til­kynn­ingu að Viðreisn hafi verið stofnuð til að breyta hlutum til batn­aðar, með almanna­hags­muni í for­grunni. „Viðreisn var stofnuð til þess að breyta íslenskum stjórn­málum. Við viljum breyta grund­vall­ar­kerfum, til dæmis í land­bún­aði og sjáv­ar­út­vegi, og hverfa frá sveiflu­kenndum gjald­miðli og miklu hærri vöxtum en í nágranna­löndum okkar. Við teljum að íslenskir kjós­endur vilji hverfa frá stjórn­málum sem snú­ast um per­sónur og hugsa um mál­efni. Við viljum stöð­ug­leika en ekki stöðnun.

Þrátt fyrir að mál­efna­staða Við­reisnar sé sterk, úrvals fram­bjóð­endur í efstu sætum fram­boðs­list­anna og alþing­is­menn og ráð­herrar Við­reisnar hafi verið ötulir frá fyrsta degi er staða flokks­ins veik í skoð­ana­könn­unum. Sú staða er að mínu viti ekki eðli­leg þegar litið er til afar sterkrar mál­efna­stöðu okkar, lof­orða fyrir síð­ustu kosn­ingar og efnda þeirra lof­orða á ein­ungis átta mán­uðum í rík­is­stjórn. Viðreisn vinnur ötul­lega fyrir land og þjóð, fyrir almanna­hags­muni gegn sér­hags­munum. Ég hef unnið að und­ir­bún­ingi að stofnun flokks­ins og störfum hans sleitu­laust und­an­farin þrjú og hálft ár. Það er óásætt­an­legt að sjá að full­trúar frjáls­lyndis beri skarðan hlut frá borði og því tel ég rétt að skipta um for­mann í flokknum á þess­ari stundu. Þá ákvörðun tók ég einn og án þrýst­ings frá öðrum.

Mér þykir það skipta miklu meira máli að full­trúar þeirra hug­mynda frjáls­lyndis og fram­sækni sem Viðreisn hefur boðað sitji á Alþingi en að ég sé í for­mennsku. Með þvi að stíga til hliðar og hleypa öðrum að stjórn­vel­inum vil ég leggja mitt af mörkum til þess að Viðreisn nái að snúa vörn í sókn á síð­ustu metrum þessa kosn­inga­und­ir­bún­ings. Ég mun að sjálf­sögðu vinna áfram í mínu kjör­dæmi og berj­ast þar fram til síð­asta dags og ég óska Þorgerði Katrínu alls hins besta í þessu nýja verk­efni sem hún hefur skyndi­lega tekið að sér. Ég er sann­færður um að hún mun leiða Viðreisn og hennar glæstu hug­sjónir til góðrar nið­ur­stöðu í kom­andi Alþing­is­kosn­ingum,“ segir Benedikt í til­kynn­ingu.

Þor­gerður Katrín segir þess ákvörðun „dæmi­gerða“ fyrir Benedikt. „Þessi ákvörðun Bene­dikts er dæmi­gerð fyrir það hvernig hann hefur alla tíð látið sér annt um vöxt Við­reisnar og við­gang. Án hans hefði þessi flokkur ekki orðið til og stofn­and­inn er trúr hug­sjónum sínum með því að stíga til hliðar við þessar aðstæður. Ég vil fyrir hönd alls Við­reisn­ar­fólks þakka Benedikt fyrir elju hans og dugnað í for­manns­stólnum.

Ég er þakk­lát fyrir það traust sem mér er sýnt og tek við þessum kyndli með mik­illi virð­ingu fyrir því starfi sem unnið hefur verið innan flokks­ins og ekki síður fyrir því Grettistaki sem við þurfum að lyfta fram að kosn­ingum. Við þurfum að ná augum og eyrum kjós­enda með bæði áherslur okkar og árangur. Við þurfum að gera allt sem í okkar valdi stendur til að tryggja að frjáls­lynd sjón­ar­mið og nauð­syn­legar kerf­is­breyt­ingar eigi sterka rödd á alþingi og í næstu rík­is­stjórn. Við þurfum að standa vörð um þau mál­efni jafn­réttis, efna­hags og vel­ferðar sem við höfum haft í for­grunni og eiga svo brýnt erindi í íslensku sam­fé­lagi,“ segir Þor­gerður Katrín í til­kynn­ingu frá Viðreisn.