Flutti eldræðu um dýraiðnaðinn: „Síðan tökum við mjólkina“

Joaquin Phoenix fagn­aði verð­launum fyrir hlut­verk sitt í Joker með hug­vekju um mann­kynið og dýra­iðn­að­inn.

Joaquin Phoenix
Joaquin Phoenix „Ég hef verið óþokki,“ sagði Phoenix, með verð­laun í hönd­unum fyrir Joker.

Joaquin Phoenix, sem hefur verið vegan frá því hann var þriggja ára gam­all, hélt eldræðu um fram­komu mann­kyns­ins við aðrar dýra­teg­undir, í þakk­ar­ræðu sinni eftir að hann hlaut verð­laun sem besti leik­ar­inn, í kvik­mynd­inni Joker, á Ósk­arsverð­laun­unum í nótt.

„Við teljum okkur eiga til­kall til þess að sæða kýr og stela afkvæmi hennar, jafn­vel þótt harma­kvein hennar séu auð­heyr­an­leg. Síðan tökum við mjólk­ina, sem er ætluð kálfi hennar, og við setjum hana í kaffið okkar og morg­un­kornið,“ sagði hann.

„Ég held að við ótt­umst hug­mynd­ina um per­sónu­legar breyt­ingar vegna þess að við höldum að við þurfum að fórna ein­hverju og láta af ein­hverju, en mann­eskjur, upp á sitt besta, búa yfir hug­mynda­auðgi og snilld, og ég held að þegar við byggjum á ást og sam­hyggð sem grund­vall­ar­at­riði, getum við skapað, þróað og inn­leitt kerfi sem breyta fyrir allar skynj­andi verur og umhverfið.“

Joaquin gerði jafn­framt upp við sína eigin fram­komu gagn­vart öðrum og lof­aði þá sem veita end­ur­lausn. 

„Ég hef verið sjálfselskur. Ég hef verið grimmur“

„Ég hef verið óþokki, í mínu lífi. Ég hef verið sjálfselskur. Ég hef verið grimmur, erf­iður í sam­starfi. Og ég er svo þakk­látur að svona margir hérna inni hafa gefið mér annað tæki­færi. Og ég held að þá séum við upp á okkar besta, þegar við styðjum hvert annað, ekki þegar við úti­lokum hvert annað út á mis­tök for­tíð­ar­innar, heldur þegar við hjálpum hvert öðru að vaxa, þegar við upp­fræðum hvert annað, þegar við leiðum hvort annað til lausnar. Þannig er mann­kynið best.“

Undir lok ræðu sinnar vitn­aði Joaquin í texta bróður síns, Rivers Phoenix, frá því  hann var sautján ára. „Hlauptu til bjargar með ást, og friður mun fylgja.“

River Phoenix, sem einnig var bæði leik­ari og bar­áttu­maður fyrir rétt­indum dýra, lést 23 ára gam­all fyrir utan næt­ur­klúbb í Hollywood, eftir að hafa tekið of stóran skammt vímu­efna, þegar Joaquin var 19 ára.

Joaquin Phoenix hefur verið vegan frá því hann var þriggja ára gam­all, að hans sögn eftir að hafa skynjað órétt­læti við að sjá fisk veiddan og slegið í hlið báts­ins til aflíf­unar.

Verð­launa­ræða Joaquin PhoenixEftir að hafa hlotið verð­launin fyrir besta leik í aðal­hlut­verki í kvik­mynd­inni Joker, hélt Joaquin Phoenix eldræðu um kær­leik­ann og notkun mann­kyns­ins á öðrum dýra­teg­undum.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár