Þessi færsla er meira en 9 ára gömul.
Annað hvort eða - kenningin
Brauðmolakenningin er þekkt kenning nýfrjálshyggjunnar þar sem gengið er út frá því að með því að efla auð þeirra ríku muni hinir fátæku njóta mola af gnægtarborði þeirra. Allar tilraunir til að jafna kjör og auð muni einungis draga úr velsældinni.
Önnur kenning tengd brauðmolakenningunni er annað hvort eða kenningin, eða valkenningin.
Þá er staðhæft að ef sett er af almannafé í ákveðið verkefni þurfi að draga saman í öðru ákveðnu verkefni.
Þekkt dæmi er þegar bæjarstjórinn í Vestmannaeyjum taldi að það þyrfti að taka af styrk til Sinfóníuhljómsveitarinnar svo hægt væri að efla rekstur heilbrigðisstofnun Vestmannaeyjar.
Og nú hefur ágætismaðurinn Kári Stefánsson komið með skýran kost:
Annað hvort verður að loka Hörpu eða Landspítala.
Glöggir lesendur vita að hljómurinn er falskur.
Í alvöru landi er hægt að reka menningu og sjúkrahús.
Það er gert með því að skattleggja auðmenn.
Ef til væri skattborgari sem hefði t.d. 23 miljónir í tekjur á mánuði myndi bæta við 1 % þá færi það langt í að bæta við einum starfsmanni á sjúkrahúsi.
Við brauðmolaþiggjendur höfnum valkenningunni.
Hún er vond kenning.
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir