Viðræðum Framsóknarflokksins og Vina Mosfellsbæjar slitið

Í til­kynn­ingu frá Vinum Mos­fells­bæjar segir að meiri­hluta­við­ræður flokks­ins við Fram­sókn­ar­flokk­inn í Mos­fellsbæ hafi form­lega haf­ist í gær og að mik­ill sam­hljómur hafi verið meðal fram­boða í fyrstu skrefum mál­efna­vinn­unnar. Samkvæmt við­ræðu­á­ætlun hafi átt að hitt­ast aftur í dag og ætl­uðu full­trúar Vina Mos­fells­bæjar að nýta tím­ann til að ræða við sitt bak­land um ákveðin mál­efni. Áður en fundur hafi haf­ist hafi við­ræðum hins vegar verið slitið og óljósar mál­efna­legur ástæður verið gefnar fyrir þeirri ákvörðun af hendi Fram­sókn­ar­flokks­ins.

[adspot]Fram­sókn­ar­flokk­ur­inn í Mos­fellsbæ er í lyk­il­stöðu um myndun meiri­hluta bæj­ar­stjórnar, en flokk­ur­inn hlaut 32,3 pró­sent atkvæða og fjóra menn kjörna í bæj­­­ar­­stjórn, en hann hafði síð­ast haft full­trúa í bæj­ar­stjórn Mos­fells­bæjar árið 2010. Sjálf­stæð­is­flokk­ur­inn hlaut einnig fjóra menn en tap­aði um fjög­urra pró­senta fylgi frá síð­ustu kosn­ingum, en heim­ildir Kjarnans herma að innan Fram­sókn­ar­flokks­ins sé það metið sem svo að nið­ur­stöður kosn­ing­anna sýni skýrt ákall frá kjós­endum að binda enda á stjórn­ar­tíð Sjálf­stæð­is­flokks­ins í bænum.

[links]Þá hermdu heim­ildir Kjarnans, að því er greint var frá á mánu­dag, að mestar líkur væru á því að flokk­ur­inn mynd­aði meiri­hluta með Sam­fylk­ing­unni og Viðreisn, sem hlutu einn mann hvor í bæj­ar­stjórn­ar­kosn­ing­unum síð­ast­lið­inn laug­ar­dag. Þá hafi komið til greina að bjóða Vinum Mos­fells­bæjar að vera með í meiri­hluta­við­ræðum, en nú er ljóst að svo verður ekki.

Samkvæmt til­kynn­ingu frá Vinum Mos­fells­bæjar segir flokk­ur­inn að vera kunni að afstaða flokks­ins varð­andi skipu­lags­mál og aðkomu íbúa að þeim eigi þar hlut í máli.