Vilborg mætt á Ísfjallið hættulega

„Í dag steig ég mín fyrstu skref á Khumbu ísfjall­inu. Ógn­vekj­andi og stór­kost­legt í senn," skrifar afreks­konan Vilborg Arna Giss­ur­ar­dóttir sem stefnir ótrauð á topp Mount Everest, rúm­lega 8800 metra. 

Vilborg sgir í sam­tali við Stundina að hún stefni á að toppa á bil­inu 13. til 25. maí. 

Vilborg þurfti að snúa frá í fyrra eftir að snjó­flóð varð 16 manns að bana á þessum slóðum. Slétt ár er síðan á morgun. Atburð­ur­inn varð til þess að hætt var við allar ferðir á þetta hæsta fjall heims. Vilborg, sem stefnir að því að toppa hæstu fjöll heims, varð fyrir áfalli við slysið eins og allir sem voru í grennd. Hún var óviss um það hvort hún myndi reyna aftur. Það varð samt úr og hún er í hæð­arað­lögun. 

Mount Everest er eitt hættu­leg­asta fjall heims. Dauða­slys eru algeng þar og má segja að dauð­inn sé við hvert fót­mál. Alvar­leg­asta slysið varð þó á síð­asta ári þegar sherp­arnir 16 fór­ust. Efst í fjall­inu á göngu­leiðum er fjöldi líka frá und­an­förnum ára­tugum.