130 vagnstjórar á móti gæludýrum í Strætó

Strætó hefur fengið heim­ild frá umhverf­is­ráðu­neyt­inu til að leyfa gælu­dýr í vögn­unum. Um er að ræða til­rauna­verk­efni til eins árs. Félag ábyrgra hunda­eig­enda segir þetta gef­ast vel erlendis.

Umhverf­is­ráðu­neytið hefur veitt Strætó heim­ild til að leyfa gælu­dýr í stræt­is­vögnum. Um er að ræða til­rauna­verk­efni til eins árs og þurfti Strætó und­an­þágu frá reglu­gerð um holl­ustu­hætti vegna þess. Stjórn Strætó tekur ákvörðun um málið á morgun, en 130 vagn­stjórar hjá Strætó hafa mót­mælt hug­mynd­inni að sögn trún­að­ar­manna.

„Við erum bara mjög glöð með ákvörð­un­ina og að Strætó ætli að prófa þetta verk­efni,“ segir Rakel Linda Krist­jáns­dóttir, for­maður Félags ábyrgra hunda­eig­enda. „Það eru ákveðnir hlutir í hunda­menn­ingu sem hafa gef­ist vel ann­ars staðar í heim­inum, sem ættu að ganga vel hér líka. En við viljum beina því til hunda­eig­enda að þessu frelsi fylgir ábyrgð og við berum ábyrgð á okkur sjálfum og hund­unum okkar.“

„Það eru ákveðnir hlutir í hunda­menn­ingu sem hafa gef­ist vel ann­ars staðar í heim­inum, sem ættu að ganga vel hér líka.“

Heimilt verður að taka hunda, ketti, nag­dýr, fugla, kan­ínur, froska, skraut­fiska, skrið­dýr og skor­dýr í vagn­ana, að því gefnu að þau heim­ilt sé að halda þau dýr á Íslandi. Skilyrt er að þau verði í búrum aft­ast í vagn­inum. Hundar mega þó vera í ól eða beisli, svo fram­ar­lega að þeir fari ekki upp á sætin. Óheimilt verður að ferð­ast með gælu­dýr á háanna­tímum, frá 7:00-9:00 og 15:00-18:00. Allir vagnar sem not­aðir verða í verk­efnið skulu þrifnir vand­lega í lok dags.

Mót­fallnir gælu­dýrum í vögn­unumTrún­að­ar­menn vagn­stjóra Strætó and­mæla hug­myndum um að leyfa gælu­dýr í vögn­unum.

Astma- og ofnæm­is­fé­lag Íslands skil­aði inn umsögn í sam­vinnu við Öryrkja­banda­lag Íslands og mót­mælti hug­mynd­inni. Veruleg áhætta sé tekin með heilsu fólks með ofnæmi og hætta sé á að margir sem áður nýttu sér Strætó muni ekki hafa þess kost á meðan til­rauna­verk­efn­inu standi. Embætti Land­læknis taldi ekki for­sendur fyrir því að mót­mæla verk­efn­inu, þar sem ekki sé gert fyrir veru­legum sam­gangi gælu­dýra við fólk í vögn­unum og því minni hætta á alvar­legum ofnæm­is­við­brögðum.

Í umsögn trún­að­ar­manna hjá Strætó kemur fram að þeir geti ekki fall­ist á ákvörð­un­ina, þar sem vagn­arnir séu byggðir til að flytja fólk en ekki dýr. Trún­að­ar­menn segj­ast hafa nöfn 130 vagn­stjóra sem séu mót­fallir hug­mynd­inni. Stjórn Strætó tekur ákvörðun um málið á morgun, en und­an­þágu­heim­ild ráðu­neyt­is­ins rennur út í lok mars 2019.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
5
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár