Fyrri aukaspurning:
Hver er á myndinni hér að ofan?
***
Aðalspurningar:
1. Boris Johnson mun brátt láta af embætti forsætisráðherra Bretlands. Ég hef nú spurt álíka spurningar áður, en læt samt vaða: Langafi Johnsons í föðurætt var ráðherra í allt öðru ríki en Bretlandi. Hvaða ríki var það?
2. Johnson tilheyrir Íhaldsflokknum en hvað heitir stærsti stjórnarandstöðuflokkurinn á Bretlandi?
3. En þriðji stærsti þingflokkurinn á breska þinginu, hvað heitir hann?
4. Árið 1924 var stofnaður Íhaldsflokkur á Íslandi en hann var lagður niður fimm árum seinna, þegar þingmenn hans stofnuðu — ásamt öðrum — nýjan flokk. Hvað hét nýi flokkurinn?
5. Maya Angelou hét kona ein sem fæddist 1928 og vann fyrir sér sem dansari framan af fullorðinsárum. En svo varð hún þekkt sem ... hvað?
6. Hvar á Íslandi er Dritvík þar sem fyrrum var útræði nokkurt?
7. Kringum 1980 var ein vinsælasta popphljómsveit heims enskt tríó og hétu þremenningarnir í hljómsveitinni Stewart Copeland, Andy Summers og Gordon Sumner. Hvað kallaðist hljómsveit þeirra?
8. Belukha heitir 4.506 metra hátt fjall í Altai-fjallgarðinum. Í hvaða heimsálfu er Belukha?
9. Þótt fræðimenn séu reyndar ekki alveg á eitt sáttir, þá telja margir að í Altai-fjöllum hafi fyrir 2.500-3.000 árum þróast þjóð sem síðar óx að íþrótt og frægð og dreifðist langar leiðir hingað og þangað. Hvaða þjóð kynni það að hafa verið verið?
10. Hver er langþekktasta höggmynd myndhöggvarans Edvards Eriksens?
***
Seinni aukaspurning:
Hver er karl þessi? (Hér gef ég þá vísbendingu að þetta er EKKI country-söngvari!)
***
Svör við aðalspurningum:
1. Tyrkland.
2. Verkamannaflokkurinn.
3. Skoski þjóðarflokkurinn.
4. Sjálfstæðisflokkurinn.
5. Rithöfundur.
6. Á Snæfellsnesi.
7. The Police.
8. Asíu.
9. Tyrkir.
10. Litla hafmeyjan í Kaupmannahöfn.
***
Svör við aukaspurningum:
Á efri myndinni er Bob Dylan.
Á neðri myndinni er Elon Musk auðkýfingur.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir