Lenya og Vigdís funduðu með forsætisáðherra

Lenya Rún Taha Karim, vara­þing­maður Pírata, og Vigdís Häsler, fram­kvæmda­stjóri Bænda­sam­tak­anna, fund­uðu með Katrínu Jak­obs­dóttur for­sæt­is­ráð­herra í morgun þar sem þær ræddu leiðir til að takast á við kyn­þátta­for­dóma og útlend­inga­andúð - bæði kerf­is­lægt og í sam­fé­lag­inu öllu.

„Þetta var mik­il­vægt sam­tal enda hafa síð­ustu vikur verið erf­iðar. Upp hafa komið mál sem vöktu óhug, en vöktu þó líka fólk til með­vit­undar. Ég fagna mál­unum ekki neitt en fagna því að umræðan skuli loks­ins vera að opn­ast, bæði hjá stjórn­völdum og í sam­fé­lag­inu,“ segir Lenya í færslu á Facebook um fund­inn með for­sæt­is­ráð­herra.

[adspot]Kjarninn fjar­lægði frétt sem unnin var upp úr við­tali við Lenyu sem birt­ist á föstu­dag­inn langa vegna rasískra ummæla sem skrifuð voru við deil­ingu frétt­ar­innar á Facebook-síðu Kjarnans.

[links]Í við­tal­inu ræddi Lenya einnig um rasísk ummæli Sigurðar Inga Jóhanns­sonar inn­við­a­ráð­herra sem hann lét falla um Vigdísi í mót­töku sem Fram­sókn­ar­flokk­ur­inn hélt í til­efni af Bún­að­ar­þingi bænda­sam­tak­anna. Vig­dís vildi fá for­yst­u­­fólk úr Fram­­sókn­­ar­­flokknum til að taka mynd með sér þar sem hún „plank­aði“ á meðan að það hélt á henni á Sig­­urður Ingi að vísað til Vig­­dísar sem „hinnar svört­u“.

Sig­urður Ingi baðst afsök­unar og fund­aði nokkrum dögum síðar með Vig­­dísi sem birti í kjöl­farið færslu á Face­­book þar sem hún sagði að þau hefðu átt „hrein­skil­ið, heið­­ar­­legt og opið sam­tal“. Sagð­ist Vig­­­dís hafa með­­­tekið af­­­sök­un­­­ar­beiðni Sig­­­urðar Inga og að hún hefði upp­­­lifað hana sem ein­læga. Mál­inu væri lokið af henn­ar hálfu. Sigurður Ingi hefur verið kærður fyrir brot á siða­reglum Alþingis en hefur ekki tjáð sig meira um málið heldur aðeins vísað í afsök­un­ar­beiðni sína á Facebook.

Lenya seg­ist bjart­sýn á fram­haldið eftir fund­inn með Katrínu í morgun. Aðgerðir voru lagðar til á fund­inum sem verða kynntar form­lega á næst­unni.

„Vinnan við að upp­ræta for­dóma krefst fólks í for­ystu sem hefur reynslu af þeim og veit því hvernig skal takast á við þá,“ segir Lenya í færslu sinni á Facebook.

Hún seg­ist vilja trúa því að þverpóli­tísk sátt sé á Alþingi um að draga lær­dóm af atburðum síð­ustu vikna og vinna saman í átt að for­dóma­lausu sam­fé­lagi.

„Þessi vinna snertir mig og mörg önnur mjög djúpt, þetta varðar 15% af íslensku þjóð­inni og því tel ég verk­efnið vera mik­il­væg­ara en póli­tískar flokkslínur. Við eigum að gera þetta strax og við eigum að gera þetta vel,“ segir Lenya.