Íslandspóstur segir upp 43 starfsmönnum

Íslands­póstur sagði í dag upp 43 starfs­mönnum og mun stöðu­gildum hjá fyr­ir­tækjum fækka um alls 80 á þessu ári. Upp­sagn­irnar eru fyrst og fremst meðal milli­stjórn­enda, á skrif­stofu og í póst­mið­stöð. Í til­kynn­ingu frá fyr­ir­tæk­inu kemur fram að upp­sagn­irnar eru liður í nauð­syn­legum hag­ræð­ing­ar­að­gerðum sem miða að því að tryggja sjálf­bæran rekstur fyr­ir­tæk­is­ins og nútíma­væð­ingu starf­sem­innar.

12 prósent fækkun

[links] Tilkynnt var í júní síð­ast­liðnum að viða­miklar skipu­lags­breyt­ingar væru fram undan hjá Íslands­pósti. Fram­kvæmda­stjórum fyr­ir­tæk­is­ins hefur verið fækkað úr fimm í þrjá en sam­kvæmt for­stjóra fyr­ir­tæk­is­ins eru breyt­ing­arnar gerðar til draga úr rekstr­ar­kostn­aði fyr­ir­tæk­is­ins og auka hag­ræð­ingu.[adspot]

Nú hefur 43 starfs­mönnum einnig verið sagt upp en fyrir upp­sagnir voru stöðu­gildi fyr­ir­tæk­is­ins 666 og er því um að ræða 12 pró­sent fækkun. Í til­kynn­ing­unni segir að gert sé ráð fyrir að aðgerð­irnar leiði til um 500 milljón króna hag­ræð­ingar í rekstri Íslands­pósts á árs­grund­velli. Þá er tekið fram í til­kynn­ing­unni að sam­hliða upp­sögn­unum verði ráð­ist í skipu­lags­breyt­ingar sem tryggja eiga að þjón­usta Íslands­pósts skerð­ist ekki.

„Upp­sagn­irnar í dag eru sárs­auka­fullar og taka á alla, en eru því miður óum­flýj­an­legar til að hægt sé að ná settum mark­miðum í rekstri fyr­ir­tæk­is­ins. Við þökkum starfs­fólk­inu fyrir þeirra störf og munum leggja okkur fram við að aðstoða það við næstu skref,“ er haft eftir Birgi Jónssyni, for­stjóra Íslands­pósts, í til­kynn­ing­unni.

Launakostnaður 61 prósent af heildargjöldum í fyrra

Árið 2018 var launa­kostn­aður 61 pró­sent af heild­ar­gjöld­um Ís­lands­pósts en alls störf­uðu að með­al­tali 962 starfs­menn í 743 stöðu­gildum á ár­inu 2018. Þetta kom fram í skýrslu Rík­is­end­ur­skoð­unar um starf­semi Íslands­póst sem birt var í júní. Í skýrsl­unni var greint frá því að fjöldi stöðu­gilda hjá Íslands­póst hafi almennt ekki þró­ast í takt við síminnk­andi umsvif í kjarna­starf­semi félags­ins ef litið er til síð­ustu tíu ára.