Dauðastríð ríkisstjórnarinnar - Sigmundur Davíð ætlar ekkert að fara

Rík­is­stjórnin hangir ekki aðeins á blá­þræði, heldur virð­ist aðeins krafta­verk geta bjargað lífi hennar úr þessu, þrátt fyrir að for­sæt­is­ráð­herra sýni engan vilja til að víkja. Ástæðan er veik staða Sig­mundar Davíðs Gunn­laugs­sonar for­sæt­is­ráð­herra, eftir afhjúpun í Kast­ljósi RÚV í gær, þar sem félagið Wintris Inc. var í for­grunni en það er skráð á Tortóla, eins og marg hefur verið rakið að und­an­förnu. Samkvæmt heim­ildum Kjarnans er mikil og almenn óánægja innan þing­flokks Sjálf­stæð­is­flokks­ins, með stöðu Sig­mundar Davíðs, og ekki síst þann ímynd­ar­skaða sem hann hefði valdið þjóð­inni, með fram­göngu sinni í þætt­inum í gær. Bjarni Bene­dikts­son, for­maður Sjálf­stæð­is­flokks­ins, sagði í við­tali við mbl.is fyrr í dag að staða rík­is­stjórn­ar­innar „væri mjög þung“.

Áhyggjur af stöðu mála

Á fundi þing­manna Sjálf­stæð­is­flokks­ins fyrr í dag voru svipuð sjón­mið reifuð; staðan væri afleit og þá sér­stak­lega staða Sig­mundar Davíðs Gunn­laugs­sonar. Þá ræddu þing­menn Sjálf­stæð­is­manna einnig um þær fréttir að Ólafur Ragnar Grímsson, for­seti Íslands, hefði ákveði að flýta ferð sinn heim til Íslands. Í því fælust skila­boð, um að rík­is­stjórnin væri fall­völt. 

Þá væri fjar­vera Bjarna Bene­dikts­sonar, sem missti af flugi til lands­ins, ekki góð þar sem staða mála væri við­kvæm.

Mál Sig­mundar Davíðs er hluti af alþjóð­legri umfjöllun rann­sókn­ar­blaða­manna hjá Reykja­vík Media og ICIJ sam­tökum rann­sókn­ar­blaða­manna um aflands­fé­lög og svo­nefnd Panama­skjöl, og hefur það fengið mikla og almenna athygli um alla heim í dag, einkum mynd­bands­brot þar sem hann reynir að ljúga sig út úr aðstæðum þegar sænski rann­sókn­ar­blaða­mað­ur­inn Sven Bergman spyr út í Wintris.

Heimskastljósið á Sigmundi Davíð

Nær allir helstu fjöl­miðlar heims­ins, þar á meðal breska rík­is­út­varpið

BBC

, The Guardian og allir helstu fjöl­miðlar Norð­ur­land­anna, hafa fjallað um mál­efni Sig­mundar Davíðs og þá stað­reynd að hann og konan hans hafi geymt miklar eignir á Tortóla.

Félagið var í sam­eig­in­legri eigu Sig­mundar Davíðs og Önnu Sig­ur­laugar til 31. des­em­ber 2009, og lýsti kröfum í slitabú föllnu bank­anna upp á sam­tals um 500 millj­ónir króna að nafn­virði.

Ólík sýn stjórnarflokkanna

Þing­flokkur Fram­sókn­ar­flokks­ins fund­aði í morgun með Sigmundi Davíð, og var þar fjallað um þátt­inn í gær­kvöldi og þær upp­lýs­ingar sem þar komu fram. Sig­mundur Davíð ját­aði í hádeg­is­frétta­tíma Stöðvar 2 að hafa staðið sig „ömur­lega“ í við­tali við Sven en hann ætl­aði að sitja áfram. Hann neit­aði með öllu að ræða við RÚV um málið, sem fyrr.

Spennan áþreifanleg

Þess er nú beðið að Bjarni komi til lands­ins, og er stefnt að því að hann fundi með þing­flokki Sjálf­stæð­is­flokks­ins síðar í dag. Vafa­lítið mun hann eiga alvöru­þrung­inn fund með Sigmundi Davíð um stöðu mála einnig.

Þá gæti staðan skýrst innan Sjálf­stæð­is­flokks­ins, en hún mun ráða úrslitum um það hvort rík­is­stjórn­ar­flokk­arnir reyna til þrautar að halda áfram sam­starfi, eða slíta sam­starf­inu og boða til kosn­inga innan skamms. Þingmenn stjórn­ar­flokk­anna hafa lítið sagt um málið í dag, en Fram­sókn­ar­menn hafa þó gagn­rýnt fram­göngu RÚV eins og síð­ustu tvær vikur, og lét Sigrún Magn­ús­dóttir, umhverf­is­ráð­herra, hafa eftir sér orð um „leynig­esti RÚV“, í við­tali við Einar Þor­steins­son frétta­mann, án þess að skýra þau frekar. Hún gekk svo hröðum skrefum til fundar. 

Sjálf­stæð­is­menn hafa hins vegar lítið sem ekk­ert sagt um málið.

Sig­mundur Davíð ítrek­aði nú skömmu eftir fjögur, þegar hann tók til máls í þing­inu, að hann hefði engar eignir átt í skatt­skjóli. Hann hefði ekk­ert rangt gert, og að erlendir fjöl­miðlar hefðu, sumir hverjir – „þeim til hróss“ – tekið það fram að ekk­ert benti til lög­brota.