Karlaveldið til skammar - Breytingar með lögum duga skammt

„Í eina rönd­ina fall­ast mér gjör­sam­lega hendur og mig langar til að öskra á feðra­veldið að hætta þessu djöf­uls­ins rugli en þar sem ég er ein­stak­lega góð í að vinna undir álagi og sinni vana­lega ekki heim­il­is­störfum án þess að gera eitt­hvað annað á meðan velti ég fyrir mér hvað getum við gert hérna til að breyta þessu og þá sér­stak­lega þessum við­horfum.“

Þetta sagði Heiða Kristín Helga­dóttir, þing­kona Bjartrar fram­tíðar, á Alþingi í dag, þegar hún vakti athygli á slá­andi nið­ur­stöðum nýrrar rann­sóknar þar sem fram kemur meðal ann­ars að í 82 pró­sentum til­vika séu karlar í meiri­hluta fram­kvæmda­stjórna fyr­ir­tækja hér á landi.

Það er gott hjá Heiðu Kristínu að gera þetta að umtals­efni, og full þörf á því að nota stór orð, jafn­vel þó það fari fyrir brjóstið á for­seta Alþingis. Nið­ur­stöður úr rann­sóknum sem þessum hafa sýnt við­líka veru­leika áður. Meðal ann­ars fram­kvæmdi Kjarninn eina slíka rann­sókn í mars á þessu ári, og horfði þá sér­stak­lega til þeirra sem stýra fjár­fest­ingum, hjá líf­eyr­is­sjóðum og í fjár­mála­kerf­inu. Nið­ur­stöð­urnar voru slá­andi, konum í óhag. Um það bil 90 pró­sent karlar á móti 10 pró­sent konum.

Þessar nið­ur­stöðu eru órök­réttar sé horft til þess að konur að er með­al­tali með meiri menntun en karlar, eru fjöl­menn­ari í nær öllum deildum háskól­anna og standa sig að með­al­tali betur en karlar í námi. Laga­breyt­ingar duga skammt til að rétta hlut kvenna, ef við­horfs­breyt­ingin fylgi ekki. Tökum okkur á! Þessi staða er skammar­leg.