Fallegar móttökur á Akureyri og eftirminnilegt frumkvæði

Stjórn­völd, með Sigmund Davíð Gunn­laugs­son í broddi fylk­ingar, eiga heiður skil­inn fyrir að taka vel á móti flótta­mönnum frá Sýrlandi og öðrum stríðs­hrjáðum svæðum. Það er mann­eskju­legt þegar ráða­menn þjóð­ar­innar taka á móti fólki, sem hefur gengið í gegnum miklar raunir, og hyggst byggja upp líf sitt á Íslandi. Einkar ánægju­legt, satt best að segja, að sjá góðan vilja í verki, og var greini­legt á fólk­inu að það kunni að meta þetta.

Akur­eyr­ingar geta líka verið stoltir af því hvernig þeir hafa rétt út hjálp­ar­hönd til flótta­fólks í gegnum tíð­ina. Hinn 18. jan­úar bætti

st í hóp Akur­eyr­inga flótta­fólk frá Sýrlandi, og var Eiríkur Björg­vins­son, bæj­ar­stjóri, mættur að taka á móti fólk­inu

í Viðju­lundi, hús­næði Rauða Krossins á Akureyri, ásamt stuðn­ings­fjöl­skyldum og fleirum. Skapti Hall­gríms­son, sá vand­aði og góði blaðmaður á Morg­un­blað­inu, fang­aði þessi tíma­mót

vel,

með myndum og texta

.

Akur­eyr­ar­bær getur verið stoltur því frum­kvæði sem hann sýndi, þegar mál­efni flótta­manna voru til umræðu fyrir nokkrum miss­erum, og hin hrika­lega staða sem blasti við heims­byggð­inni, í stríðs­hrjáðum löndum, einkum Sýrlandi, Írak og Afganistan, var að verða skýr­ari fyrir okkur á Íslandi. Þá sögð­ust bæj­ar­yf­ir­völd

til­búin

að taka á móti fleiri flótta­mönnum, enda væri reynslan af því að fá flótta­fólk til bæj­ar­ins góð, hvernig sem á það væri litið. Fólkið hefði fundið sér heima­svæði á Akureyri og lagt ríku­lega til sam­fé­lags­ins, eins og aðrir.

Ánægju­legt að sjá nýja Akur­eyr­inga bæt­ast í hóp heima­manna, alla leið frá Sýrlandi.