Jóhann Jóhannsson, tónskáld, hefur verið tilnefndur annað árið í röð til Óskarsverðlauna. Þetta er einstakt afrek hjá þessum hægláta hæfileikaríka tónlistarmanni.
Tilnefninguna fær hann fyrir tónlistina í kvikmyndinni Sicario.
Sigurjón Kjartansson, söngvari og helsti lagasmiður hljómsveitarinnar HAM, sem Jóhann var eitt sinn meðlimur í sem gítar- og hljómborðsleikari, lýsti Jóhanni sem „hæglátum trukk“ sem alla tíð hefði verið iðinn, duglegur og stórkostlega hæfileikaríkur tónlistarmaður. Þetta sagði hann í viðtali við Kjarnann í fyrra.
Árangur Jóhanns er öllu menningarlífi Íslendinga mikil hvatning, enda einstaklega mikil viðurkenning að vera tilnefndur til Óskarsverðlauna tvö ár í röð. Þessi „hægláti trukkur“ sem á upphafsárum sínum í tónlistinni spratt upp úr pönki og rokki, hefur nú sýnt og sannað hversu langt er hægt að ná, þegar hæfileikar og dugnaður fara saman, og er öðrum fyrirmynd í þeim efnum.
Til hamingju Jóhann!
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir