Arabíska vorið færði fjölmiðlum ekki frelsi

Ég held að staðan í Arabalöndum, mínu heima­svæði, hafi ekki breyst mikið hvað varðar frelsi fjöl­miðla, jafn­vel þrátt fyrir arab­íska vorið sem átti að færa okkur frelsi á svo mörgum sviðum. Við getum tekið Egypta­land sem dæmi, þar sem að minnsta kosti 20 blaða­menn sitja í fang­elsi og flestir þeirra við slæmt heilsu­fars­legt ástand. Egypta­land setti lög gegn hryðju­verkum sem þeir nota sem afsökun til þess að brjóta niður fjöl­miðla og ógna fjöl­miðla­fólki með fang­els­is­vist. Í Jórdaníu voru ný lög gegn net­þrjótum notuð í nokkrum til­fellum til að hand­taka frétta­menn og hræða almenn­ing frá því að nota sam­fé­lags­miðla til að tjá skoð­anir sínar á versn­andi efna­hags­á­standi og hina póli­tísku kúgun sem fylgir spill­ingu. Á síð­asta ári fengu að minnsta kosti tveir jórdanskir frétta­menn þriggja mán­aða dóm vegna hinna meintu brota gegn cyber law, aðal­lega 5. grein lag­anna sem segir: „Útgáfa skal virða sann­leik­ann og forð­ast að birta nokkuð í and­stöðu …