Þegar Adrían Breki Hlynsson var tveggja og hálfs árs greind­ist hann með SMA. Adrían Breki er fæddur 2. febr­úar árið 2012 svo hann er sjö ára í dag. Með tím­anum er að koma í ljós að hann er lík­ast til frekar týpa 3, sem voru góðar fréttir þar sem týpa 2 er almennt álitin alvar­legri. For­eldrar hans vissu þó frá upp­hafi að hann ætti mikil verk­efni fyrir höndum, við að kljást við sjúk­dóm­inn. „Þegar hann var greindur var okkur sagt að ekk­ert væri hægt að gera, annað en að halda áfram í sjúkra­þjálfun sem hann hafði byrjað í maí 2014. Við þyrftum bara að sjá hvernig sjúk­dóm­ur­inn þró­að­ist, enda væri hann mjög ein­stak­lings­bund­inn, og vona að það yrði fram­þróun í lyfja­málum sem gæti nýst honum,“ segir Dísa Jóns­dóttir, mamma Adríans.  

Fljót­lega eftir að Adrían greind­ist heyrðu for­eldr­arnir af þessu nýja lyfi, Spinraza, sem væri í þróun og lof­aði mjög …