Íris Helga Jónatansdóttir hefur verið ákærð fyrir umsáturseinelti, rangar sakargiftir, skjalafals, hótanir, ærumeiðandi aðdróttanir og barnaverndarlagabrot. Brotin beinast gegn fjórum fullorðnum einstaklingum og börnum þeirra. Málið verður þingfest í Héraðsdómi Reykjaness á morgun.

Íris Helga er ekki sú eina sem er ákærð í málinu heldur er karlmaður, sem fæddur er árið 1979, einnig ákærður fyrir að hafa átt hlut að máli þegar hann makaði skít á hurðarhúna og bíl á heimili fjölskyldu sem Íris er sökuð um að hrella. Þolendur fara fram á samanlagðar miskabætur upp á rúmar níu milljónir króna.

Athygli vekur að Íris er ekki ákærð fyrir að hafa komið því til leiðar að dánartilkynning eins þolenda hennar birtist í Morgunblaðinu í apríl síðastliðnum og vakti landsathygli. Á meðal ákæruliða er hins vegar að Íris hafi sakað nemendur í grunnskóla, þar sem hún starfaði um …