Nýverið var riffli stolið úr verslun á höfuðborgarsvæðinu og beindust böndin fljótt að ákveðnum manni. Sá var handtekinn nokkru síðar, játaði sök og vísaði á vopnið, sem reyndist óhlaðið. Á það var þá hins vegar kominn hljóðdeyfir, sem annar maður hafði keypt í millitíðinni og látið setja á vopnið. Sá maður var líka handtekinn og í framhaldinu var farið í húsleit í híbýlum hans. Þetta kemur fram í tilkynningu frá lögreglunni á höfuðborgarsvæðinu.

Þar var að finna fleiri skotvopn og skotfæri og var það sömuleiðis haldlagt, en vörslu þeirra var ábótavant og ekki í samræmi við ákvæði vopnalaga. Viðkomandi var með skotvopnaleyfi en það var samstundis afturkallað. Hinum stolna riffli var hins vegar komið aftur í réttar hendur.