Guðbjörg Matth­í­as­dóttir, útgerð­ar­kona í Vest­manna­eyjum sem verið hefur stærsti hlut­hafi Ísfé­lags­ins síð­ast­liðin ár, hefur fært meiri­hluta hluta­bréfa sinna í útgerð­inni yfir á fjóra syni sína. Í dag á hún minni hlut í Ísfé­lag­inu en þeir. Þetta má sjá í skrán­ing­ar­lýs­ingu Ísfé­lags­ins, fyrir vænt­an­lega skrán­ingu þess á hluta­bréfa­markað, sem og árs­reikn­ingum félaga Guð­bjargar og sona hennar. Vef­mið­ill­inn Hlut­haf­inn.is greindi fyrst frá eig­enda­skipt­unum á hluta­bréfum. 

Með þessum gern­ingi fetar Guðbjörg í fót­spor stofn­enda og fyrr­ver­andi stærstu eig­enda Samherja, Þor­steins Más Bald­vins­sonar og Krist­jáns Vil­helms­sonar, sem færðu stærstan hluta bréfa sinna í Samherja yfir á börnin sín fyrir nokkrum árum. 

Fer úr 92 prósenta hlut í rúm 11

Í lok síð­asta árs átti Guðbjörg Matth­í­as­dóttir tæp­lega 92 pró­senta hlut í eign­ar­halds­fé­lag­inu Fram ehf. sem aftur átti ÍV fjár­fest­ing­ar­fé­lag sem átti tæp­lega 58 pró­senta hlut í Ísfé­lag­inu. Synir hennar fjórir, Einar, Kristinn, Magnús og Sigurður Sig­urðs­synir, áttu rúm­lega 2 pró­senta hlut hver á móti henni. 

Í skrán­ing­ar­lýs­ingu Ísfé­lags­ins kemur fram að þetta sé nú breytt og á hún nú rúm­lega 11 pró­senta hlut í Fram ehf. Synir hennar eiga nú rúm­lega 22 pró­senta hlut í Fram ehf. hver. Um þetta segir í skrán­ing­ar­lýs­ing­unni í til­felli Einars Sig­urðs­sonar, eins sona hennar: „Einar á engan beinan hlut í félag­inu sjálfur, en á 22,12% eign­ar­hlut í fjöl­skyldu­fyr­ir­tæk­inu Fram ehf. sem er eini hlut­hafi ÍV fjár­fest­inga­fé­lags ehf., sem á um 57,7% í félag­inu. Einar er jafn­framt þriðj­ungs­eig­andi í MKE ehf. sem á um 0,26% af hlutafé í Ísfélagi (0,27% miðað við atkvæð­is­rétt).“

Eigendur Fram ehf. í dag, og þar með hluta­bréf­anna í Ísfé­lag­inu, eru því fjórir synir Guð­bjargar með rúm 22 pró­sent hver og svo hún sjálf með rúm­lega 11 pró­sent. 

Selja stóran hlut í Ísfé­lag­inuGuðbjörg Matth­í­as­dóttir og fjöl­skylda ætla sér að selja 8,57 pró­sent hlut hlut í Ísfé­lag­inu í útboð­inu. Úr skrán­ing­ar­lýs­ingu Ísfé­lags­ins.

Fjölskyldan selur bréf fyrir um 9 milljarða

Í skrán­ing­ar­lýs­ing­unni kemur fram að Guðbjörg og synir ætli sér að selja 8,57 pró­senta hlut í útboð­inu á Ísfé­lag­inu. Félög þeirra munu fara úr því að eiga 57,77 pró­sent hlut og niður í 49,13 pró­senta hlut. 

Miðað við áætlað mark­aðsvirði Ísfé­lags­ins upp á um 110 millj­arða króna þá gæti fjöl­skyldan fengið um 9,4 millj­arða króna fyrir þessi hluta­bréf. Fjöl­skyldan er því að fara að inn­leysa mik­inn sölu­hagnað í útboð­inu.

Við þetta bæt­ist að í maí á þessu ári greiddi fjöl­skyldu­fyr­ir­tækið Fram ehf. út tæp­lega 3 millj­arða króna til Guð­bjargar og sona hennar með því að lækka hlutafé félags­ins: „Í maí 2023 var hlutafé félags­ins lækkað með útgreiðslu til hlut­hafa kr. 2.750.000.000.“

Grein­ing­ar­fyr­ir­tækið Jak­obs­son Capital sendi frá sér verð­mat á Ísfé­lag­inu í gær þar sem kom­ist var að þeirri nið­ur­stöðu að Ísfé­lagið væri und­ir­verð­lagt og að virði félags­ins sé 129,7 millj­arðar króna.