Þessi grein birtist fyrir meira en ári.

Telur hugmyndafræði Eflingar úrelta – „Snýst um átök átakanna vegna“

Þingmaður Sjálfstæðisflokksins, Guðrún Hafsteinsdóttir, blandaði sér í umræður um kjaramál á þinginu í dag. Hún telur að „einföld og úrelt mynd“ sé dregin upp varðandi samband og samskipti launafólks og atvinnurekenda.

1. febrúar 2023 · 15:58

Bára Huld Beck

ritstjorn@heimildin.is

„Sú kjaradeila sem við stöndum frammi fyrir snýst um heildarsamhengi hlutanna. Sú hugmyndafræði sem Efling beitir hér er úrelt og snýst um átök átakanna vegna. Þegar farið er af stað með það að leiðarljósi er ekki von á góðri niðurstöðu.“

Þetta sagði Guðrún Hafsteinsdóttir, þingmaður Sjálfstæðisflokksins og formaður efnahags- og viðskiptanefndar, undir liðnum störf þingsins á Alþingi í dag.

Kjaramál hafa verið ofarlega á baugi í umræðunni síðustu vikur og hafa deilur Eflingar og Samtaka atvinnulífsins (SA) verið hvað mest áberandi. Heimildin rekur atburðarásina í umfjöllun sinni í dag.

Vonbrigði að ekki tókust samningar á milli SA og Eflingar

Rifjaði þingmaðurinn upp á Alþingi í dag að í desember hefðu fréttir borist af því að kjarasamningar hefðu náðst við meirihluta launafólks á almennum vinnumarkaði.

„Við höfðum ríka ástæðu til að ætla að nú tækist með samstilltu átaki að ná skynsamlegri lendingu á vinnumarkaðnum í heild og þannig vinna okkur hægt en örugglega í átt að því að ná niður verðbólgu og vöxtum. Heildarhagsmunir voru í forgangi, hagsmunir sem skipta máli við að reka hér samfélag á skynsamlegan og heilbrigðan hátt.

Það urðu því mikil vonbrigði að ekki tókust samningar á milli Samtaka atvinnulífsins og Eflingar. Þar með sátu liðlega 20.000 félagsmenn Eflingar eftir og þeir hafa ekki notið kjarabóta til jafns við aðra á almennum vinnumarkaði, kjarabóta sem félagsmenn þurfa á að halda,“ sagði Guðrún.

„Einföld og úrelt mynd“ dregin upp varðandi samband launafólks og atvinnurekenda

Þá sagðist Guðrún óhjákvæmilega leiða hugann að því hvort það hefði verið raunverulegur vilji forystu Eflingar að ná samningum fyrir sitt fólk.

„Ég get ekki betur séð en að hugmyndafræðin snúist um átök átakanna vegna. Einföld og úrelt mynd er dregin upp varðandi samband og samskipti launafólks og atvinnurekenda. Ég leyfi mér að fullyrða að sú orðræða sem Efling hefur uppi varðandi það samband sé í hrópandi andstöðu við raunveruleikann nema í algerum undantekningartilfellum, enda hafa kannanir sýnt að flest fólk ber mikið traust til sinna vinnuveitenda og nýir kjarasamningar í vetur voru alls staðar samþykktir með yfirgnæfandi meirihluta atkvæða.

Sú kjaradeila sem við stöndum frammi fyrir snýst um heildarsamhengi hlutanna. Sú hugmyndafræði sem Efling beitir hér er úrelt og snýst um átök átakanna vegna. Þegar farið er af stað með það að leiðarljósi er ekki von á góðri niðurstöðu,“ sagði hún að lokum.

Efling enn engin svör fengið hjá sáttasemjara

Heimildin greindi frá því fyrr í dag að ríkissáttasemjari hefði fyrirskipað Eflingu að afhenda kjörskrá þegar hann kynnti stéttarfélaginu miðlunartillögu. Daginn eftir hefði hann hins vegar sagt að aðeins hefði verið um tilmæli að ræða. Áður en Efling gat brugðist við hafði ríkissáttasemjari svo stefnt félaginu fyrir dómstóla og krafist afhendingar kjörskrár.

Enn fremur kemur fram hjá Heimildinni að Efling hefði engin svör fengið frá ríkissáttasemjara við ítrekuðum kröfum sínum um að fá afhent þau gögn og yfirlit um samskipti ríkissáttasemjara í aðdraganda þess að hann lagði fram miðlunartillögu í deilu stéttarfélagsins við SA.

Hið sama væri að segja um ítrekuð erindi til félags- og vinnumarkaðsráðherra er lúta að stjórnsýslukæru Eflingar og þeirrar kröfu að réttaráhrifum miðlunartillögu ríkissáttasemjara verði frestað meðan stjórnsýslukæran er til meðferðar.

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Kjaradeila Eflingar og SA

Athugasemdir (12)

Skráðu þig inn til að skrifa athugasemd eða kjósa.

Mummi Týr skrifaði
6. febrúar 2023 13:35

Sorglegt að lesa þetta og að þessi hugsanagangur skuli vera inn á þingi er mér fyrirmunað að skilja... jú, alveg rétt, fólk kaus þetta, silly me :)

1
skrifaði
6. febrúar 2023 09:10

òtrùlegt bullid sem kemur frà mörgum flokksmönnum sjálfstæðisflokksins. sjálfstæðisflokkurinn aetti frekar ad heita sjálfsstjórnarflokkurinn eda sjálfræðiflokkurinn .
ì Frakklandi ,Thyskalandi,Englandi og fleirum löndum Evròpu eru I dag verkföll.

Verfall er thad eina sem mun vekja fòlkid.

0
Kristbjörn Árnason skrifaði
3. febrúar 2023 14:36

Hún er ekki bara atvinnurekendai í ísgerð í Hveragerði sem hefur félagsfólk Eflingar við störf heldur er hún einnig fyrrum forystumaður í samtökum atvinnurekenda. M.ö.o. aðili sem aðhyllist brauðmolakenninguna. Á síðasta ári hélst kaupmátturlaunafólks alls ekki í við verðbólguna í landinu. Sérstaklega hefur láglaunafólk farið illa út úr þeirri þróun sem ekki nýtur markaðslauna.

2
RE

Regína Eiríksdóttir skrifaði
2. febrúar 2023 14:46

Mætti taka betur á hlutunum hér, Guðrún er atvinnurekandi á þingi, því í starfi fyrir samfélagið. Hefði viljað að greinin væri gagnrýnin á aðferðafræði elítunnar, sem vill meiri og meiri gróða og vill því ekki borga mannsæmandi laun

3
ÁH

Ásmundur Harðarson skrifaði
2. febrúar 2023 13:33

Eru verkföll úrelt að mati Guðrúnar? Eða er það úrelt að hafa sjálfstæðan samningsrétt í stað þess að taka upp samning sem aðrir hafa gert?

2
Sigurður Sigurðsson skrifaði
2. febrúar 2023 13:32

Hún lokar augunum, fast!

3
Oddur Ingi skrifaði
2. febrúar 2023 13:22

Afskaplega þreytt retórík að Eflingarfólk skilji ekki "heildarmyndina" eða "heildarsamhengið" og vilji bara "átök átakanna vegna."

Svipað uppi á teningnum hjá Konráði efnahagsráðgjafa SA í annarri grein.

Þetta er vísvitandi niðrandi og meiðandi orðræða og þessu fólki veitir ekki af að víkka aðeins sinn sjóndeildarhring.

Auðvitað finnst atvinnurekendum bara fínt að borga fólki laun undir framfærsluviðmiðum. Skilja bara ekkert hvaða vesen þetta er.

5
Siggi Rey skrifaði
2. febrúar 2023 12:53

Þessi Guðrún er bara vesæll sjálfstæðismaður og tala sem slík. Eins og henni ber að gera samkvæmt vilja Vellýgna Bjarna. þessi Guðrún ætti að hundskammast sín fyrir að niðurlægja kynsystur sína sem vart hafa í sig og á, á sultarlaunum fyri mikla vinnnu og þurfa að leigja á heilsjúkum leigumarkaði. Sjáið þið þessa konu Í anda þurfa að þrífa 50 hótel herbergi á vakt. Það er mér til efs. Þessi pistill hér að ofan lýsir kvenfyrilitningu og hroka.

5
Konráð Gíslason skrifaði
2. febrúar 2023 11:52

,, Við viljum þræla!" þetta er hugsunarhátturinn hjá henni og hennar líka.

5
Guðjón Halldórsson skrifaði
2. febrúar 2023 09:00

Einfalt - Engin laun fyrir 100% starf undir framfærsluviðmiðum !

4
Sigga Svanborgar skrifaði
2. febrúar 2023 01:55

...hér er ekkert hlutleysi í þessari frétt þar sem GH og hennar fjölsk eru atvinnurekendur.....það sem GH áttar sig ekki á að gamalgróin ofbeldis og eineltismynstur sem hún og hennar flokkur hefur beitt almennig frá upphafi lýðræðis er að verða öllum ljós.......

8
HSG

Helga Salbjörg Guðmundsdóttir skrifaði
1. febrúar 2023 20:18

Það eru skiljanleg vonbrigði hjá henni þegar fólk vill ekki þiggja þær brauðmylsnur sem falla af yfirfullu borði auðvaldsins :(

11

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Tengdar greinar