„Ég er væg­ast sagt harmi slegin eftir að hafa séð yfir­lýs­ing­una frá fram­boðs­konum Flokks fólks­ins á Akureyri. Sú fram­koma sem þar er lýst er með slíkum ólík­indum að ég er gjör­sam­lega miður mín,“ skrifar Inga Sæland, for­maður Flokks fólks­ins, á Facebook. Fyrr í dag sendu þrjár konur í for­ystu flokks­ins á Akureyri frá sér yfir­lýs­ingu þar sem þær lýsa óvið­un­andi fram­komu í sinn garð af hálfu ann­arra flokks­manna. 

Guð­mundur Ingi Krist­ins­son, vara­for­maður flokks­ins, birti í morgun til­kynn­ingu þess efnis að hann hefði kallað eftir að stjórn flokks­ins myndi funda um málið. Ekki hefur náðst sam­band við Ingu né Guðmund Inga síðan sú til­kynn­ing birt­ist. Nú hefur Inga hins vegar stað­fest, á Facebook, að fundur hefur verið kall­aður saman. 

„Ég hef form­lega kallað til fundar aðal­stjórnar Flokks fólks­ins og munum við taka á mál­inu fum­laust …