Fyrri aukaspurning:

Þessi persóna birtist í frægri teiknimynd frá 1950. Hver er þetta?

***

Aðalspurningar:

1.  George Lucas heitir bandarískur kvikmyndagerðarmaður sem er frægastur fyrir mikinn bíómyndaflokk sem hann hleypti af stokkunum fyrir rúmum 40 árum. Hvað heitir sá flokkur?

2.  Hver er eina uglutegundin sem verpir að staðaldri á Íslandi?

3.  Önnur uglutegund er hins vegar tíður gestur hér og verpir öðru hvoru, að minnsta kosti. Hvaða ugla er það?

4.  Í hvaða landi er borgin Wuppertal?

5.  Úrsula Iguarán Buendía heitir sannkölluð ættmóðir sem lætur að sér kveða í frægri skáldsögu. Hvað heitir skáldsagan?

6.  Og hvað heitir höfundur hennar?

7.  Milli hvaða tveggja landa eru Álandseyjar?

8.  Úr hverju er íslenskt brennivín bruggað?

9.  Út af hvaða landshluta Íslands eru Halamið?

10.  Einu sinni var uppi lítið rándýr sem við köllum miacis. Það var á stærð mink og var hagvant bæði á jörðu niðri og í trjám. Miacis er, eftir því sem við vitum best, síðasti sameiginlegi forfaðir bæði hunda og katta. En hversu langt (mjög gróflega áætlað) er síðan miacis var á dögum? Eru það 50 þúsund ár — 500 þúsund ár — 5 milljónir ára — 50 milljónir ára — 500 milljónir ára — eða 5 milljarðar ára?

***

Seinni aukaspurning:

Í hvaða landi er sú glæsilega og mörg þúsund ára gamla fornminj sem sjá má á myndinni hér að neðan? Stærðina má meta með því að skima eftir tveim manneskjum sem sjá fyrir neðan ferlíkið vinstra megin.

***

Svör við aðalspurningum:

1.  Star Wars

2.  Brandugla.

3.  Snæugla.

4.  Þýskalandi.

5.  Hundrað ára einsemd.

6.  García Márquez.

7.  Finnlands og Svíþjóðar.

8.  Kartöflum.

9.  Vestfjörðum.

10.  50 milljónir ára.

***

Svör við aukaspurningum:

Á efri myndinni er Öskubuska.

Á neðri myndinni má sjá svonefndan ziggurat (stallapíramída) í borginni Úr í Írak.