Fyrri aukaspurning:

Úr hvaða kvikmynd er skjáskotið hér að ofan?

***

Aðalspurningar:

1.  Hver fer með viðskiptamál í ríkisstjórninni nú?

2.  Í hvaða heimsálfu er ríkið Malaví?

3.  Frá hvaða landi er breski stjórnmálamaðurinn Rishi Sunak ættaður?

4.  Hvað er óhætt að segja að hafi verið sögulegasti viðburðurinn sem gerðist á Íslandi árið 1809?

5.  Í hvaða landi er borgin Strasborg?

6.  Orð eitt er komið úr grísku en er nú, trúi ég, notað lítt breytt í öllum helstu tungumálum heimsins. þar á meðal íslensku, þótt tilraunir hafi verið gerðar til að nota íslenskt orð yfir fyrirbærið sem orðið lýsir. Orðið er stutt en eigi að síður samsett úr tveim orðum eða orðhlutum í grískunni — og það þýðir í raun og veru „það sem ekki verður skorið sundur“ — eða „sundur deilt“. Hvaða orð er þetta?

7.  Hver Bítlanna söng lagið Yellow Submarine?

8.  Hversu langt er (því sem næst) milli Hveragerðis og Selfoss? Eru það 2 kílómetrar, 7 kílómetrar, 12 kílómetrar, 17 kílómetrar eða 22 kílómetrar?

9.  Hver er formaður Flokks fólksins?

10.  Við hvaða fjörð er Súðavík?

***

Aukaspurning sú hin seinni:

Hvaða dýr er þetta?

***

Svör við aðalspurningum:

1.  Lilja Alfreðsdóttir.

2.  Afríku.

3.  Indlandi. (Foreldrar hans eru að vísu fæddir hvort í sínu Afríkulandi en bæði vel og tryggilega ættuð frá Indlandi.)

4.  Valdarán Jörundar hundadagakonungs.

5.  Frakklandi.

6.  Atóm.

7.  Ringo Starr.

8.  Tólf kílómetrar.

9.  Inga Sæland.

10.  Álftafirði.

***

Svör við aukaspurningum:

Skjáskotið er úr kvikmyndinni Saturday Night Fever.

Dýrið nefnist kakkalakki.