Þrautin í gær snerist um Spán, hér er hlekkur á hana.
***
Fyrri aukaspurning.
Konan á myndinni hér að ofan hefur tekið sér eins konar dulnefni. Samt sjá allir í hendi sér hvað hún heitir. Og hvað heitir hún?
***
Aðalspurningar:
1. Reykjavík, Kópavogur, Hafnarfjörður, Akureyri. Þetta eru fjórir fjölmennustu þéttbýlisstaðir Íslands. En hver kemur svo í fimmta sæti? Raunar er þessi staður nú líklega orðinn örlítið fjölmennari en Akureyri og mundi samkvæmt því vera í fjórða sæti. En hver er hann altént?
2. Hvað heitir hinn aðþrengdi formaður breska Verkamannaflokksins?
3. Anas platyrhynchos. Svo nefnist á latínu stærsta og auðþekkjanlegasta buslönd Íslands. Hvað kallast hún á hinni ylhýru þjóðtungu?
4. Hvar starfar stjórnmálaflokkurinn Sinn Féin?
5. „Hver á sér fegra föðurland, / með fjöll og dal og bláan sand, / með norðurljósa bjarmaband / og björk og lind í hlíð?“ Hver orti?
6. Árið 1991 skipti ríki eitt hér í veröld um höfuðborg. Borgin Lagos var svipt þeim heiðri en Abuja varð hin nýja höfuðborg. Hvaða ríki er þetta?
7. Milli hvaða eyja er Stóra belti? Nefna verður báðar eyjarnar.
8. Í hvaða sæti lenti „Hatrið mun sigra“ með Hatara í Eurovision-keppninni fyrir tveim árum?
9. Helstu menn Hatara eru þrír karlmenn, þótt fleiri komi gjarnan við sögu. Nefnið að minnsta kosti tvo þeirra — og hér duga fornöfn.
10. Á Íslandi leynist á einum stað gríðarmikil gosaskja, nærri kringlótt, 35-40 kílómetrar í þvermál. Ekki er ljóst hvenær gaus þar síðast en sennilega eru mörg þúsund ár síðan. Í vestri er skarð í fjöllin umhverfis öskjuna. Nokkur stórfljót eiga þarna upptök sín. Hvað heitir þessi staður?
***
Seinni aukaspurning.
Hvað heitir konan á myndinni hér að neðan?
***
Svör við aðalspurningum:
1. Reykjanesbær.
2. Starmer.
3. Stokkönd.
4. Á Írlandi — bæði á Norður-Írlandi og í írska lýðveldinu.
5. Hulda.
6. Nígería.
7. Milli Sjálands og Fjóns í Danmörku.
8. Tíunda.
9. Klemens, Matthías og Einar.
10. Hofsjökull.
***
Svör við aukaspurningum:
Á efri myndinni er Guðrún eða GDRN.
Á neðri myndinni er breska leikkonan Helen Mirren.
***
Spurningaþrautin
Fyrri grein
380. spurningaþraut: Allt um Spán — kóngar og drottningar, borgir og íþróttamenn
Næsta grein
Athugasemdir